बदलिँदो व्यापार व्यवसायको तौरतरिकाले मानिसलाई धेरै कुरामा सहज बनाएपनि कतिपय अवस्थामा ग्राहकहरु ठगिने गरेको पाइएको छ । अनलाइन व्यापारमा खरिद गरिएका सामानहरु भनेजस्तो नपाइने , गुणस्तरहिन पर्ने जस्ता गुनासा पटक-पटक आइरहन्छन् ।
तर , बेला बेला अनलाइन व्यापारका नाममा खोलिएका फेसबुक , इन्स्टाग्राम लगायत पेजबाट खुलेआम ग्राहक ठगिने गरेको पाइएको छ । हालै हामीलाई प्राप्त जानकारी अनुसार girlsfashionstyle80 नामको इन्स्टाग्राम पेज बनाइ अनलाइन व्यापार गर्दै आएको एउटा ग्रुपले ग्राहकबाट अग्रिम पैसा तिर्न लगाएपश्चात् आफ्नो पेजबाटै ब्लक गरेको छ । उक्त पेज लगायत यस्ता अन्य पेज थुप्रै हुनसक्ने भएकोले समयमै सचेत बन्न , अग्रिम भुक्तानी नगर्न तथा अनलाईन खरिद गर्दा ध्यान दिन जरुरी छ । यदी कहीँकतै त्यस्तो ठगी भएको वा आफू परिएको भए साइबर प्रहरीमा खबर गर्न समेत सकिनेछ ।
