आउँदै गरेको खुसी तथा उल्लासको पर्व होलीको खुसीयालीसँगै किशान अटोमोबाइल्सले विशेष अफर ल्याउने भएको छ । “रंगसँग रमाऔँ होन्डासँग दौडौं” भन्ने नाराका साथ यस वर्ष होलि विशेष अफर राखिएको किशानले जनाएको हो । यही फागुन २७ र २८ गरी दुई दिनसम्म उक्त होली अफर चल्ने छ ।
जस अन्तर्गत निशु्ल्क टेस्ट ड्राइभ , गाडीको खरिदमा विशेष किसिमका छुट र उपहारहरु , होलीको रमाइलो उत्सव जस्ता अफरहरु खरिदकर्ता तथा सर्वसाधारणले प्राप्त गर्न सक्नेछन् । नयाँ बजारमा आएका सवारी साधनहरुको अनुभवसहित विभिन्न अफर किशान अटोमोवाइल्सले प्रदान गर्नेछ ।
पहिलो दिन भोलि २७ गते धनगढी रंगशाला तथा पर्सी २८ गते बोराडाँडीस्थित भाटभटेनी सुपरमार्केट परिसरमा उक्त कार्यक्रम गरिने आयोजकले जनाए । बिहान १० बजेदेखि बेलुकी ५ बजेसम्म आयोजना हुने उक्त विशेष अफर सहितको कार्यक्रममा सबैलाई सहभागी भई लाभ लिन तथा उल्लासमय तवरले होली मनाउन अटोमोवाइल्सले आग्रह समेत गरेको छ ।
