प्राज्ञिक विद्यार्थी परिषद , धनगढी नगर एकाइ समितिद्धारा आज एक कार्यक्रमवीच वत्तिृत्वकला प्रतियोगिताको आयोजना गरिएको छ । प्राज्ञिक विद्यार्थी परिषदको ३१औँ स्थापना दिवसकोे अवसरमा पारेर उक्त कार्यक्रमको आयोजना गरिएको हो ।
विद्यार्थीमा अन्तरनिहित प्रस्तुति प्रष्फुटन गर्ने उद्देश्यले अहिलेको जल्दोबल्दो प्रविधि कृत्रिम बौद्धिकता (AI) को शिक्षा क्षेत्रमा परेको प्रभाव विषयक वत्तृत्व प्रतियोगिता आयोजना गरिएको प्राज्ञिक विद्यार्थी परिषद , धनगढी नगर सचिव गीता जोशीले बताइन् । सुदूर पश्चिमाञ्चल क्याम्पसको सभाहलमा सम्पन्न उक्त कार्यक्रमका प्रमुख अतिथि सुदूर पश्चिमाञ्चल क्याम्पसमा क्याम्पस प्रमुख योगराज गौतम रहेका थिए ।
उनले यस्ता प्राज्ञिक खालका प्रतियोगिताले विद्यार्थीमा नवप्रर्वतन तथा सचेतना समेत वृद्धि गर्ने जनाए । प्रतियोगितामा सुदूर पश्चिमाञ्चलका बिए, बिएड , तथा एम्एड संयोजक डा. देवेन्द्र प्रसाद भट्ट , बिआईएम प्राध्यापक पुष्प राज ओझा तथा प्राज्ञिक विद्यार्थी परिषद , नेपालका केन्द्रीय सदस्य लवदेव धामीको तीन सदस्यीय निर्णायक मण्डलले निर्णायकको भूमिका निर्वाह गरेका थिए ।
प्रतियोगितामा निर्मला दाहालले प्रथम , यशोदा जोशीले द्धितिय , पूजा नागरीले तृतिय तथा किरण ऐरले सान्त्वना स्थान हासिल गरेका छन् ।
विजेतालाई बधाई ज्ञापन गर्दै निणार्यक मण्डलका डा. देवेन्द्र प्रसाद भट्टले राजनैतिक संलग्नताबाट अलग रहेको प्राज्ञिक विद्यार्थी परिषदले गर्ने प्राज्ञिक कार्यहरुमध्ये आजको कार्यक्रमले विद्यार्थीमा थप उत्साह सिर्जना गरेको विचार व्यक्त गर्दै विजेतालाई बधाई प्रदान गरे । कार्यक्रम प्राज्ञिक विद्यार्थी परिषद् , नेपाल, , कैलाली जिल्ला छात्रा प्रमुख सुनिता भट्टले सञ्चालन गरेकी थिइन् ।
