खबर सम्वाददाता :पुष्प राज ओझा आज धनगढी उप महानगरपालिकाको वडा नं. २ बैयावेहडी शिवमन्दिर परिसर वरपर सरसफाई कार्यक्रम सम्पन्न गरिएको छ । यसैविच सोही कार्यक्रममा उदयमान क्रिकेट खेलाडी शेर मल्ललाई सम्मान पनि गरिएको छ । मल्ल सोही के.आई.सिंह गाउँपालिकाका राष्टिय क्रिकेट खेलाडी समेत हुन् । उनले भर्खरै सम्पन्न नेपाल पिर्मियर लिग (NPL) मा उत्कृष्ट खेल प्रदर्शन गरेका थिए ।
कार्यक्रममा विद्यार्थीहरुको स्थानिय अभिभावकको भूमिका निर्वाह गरिरहनुभएका एसपिए कलेजका प्रमुख प्रशासकिय अधिकृत प्रकाश बहादुर बलायरले शेर मल्लले क्रिकेट खेलको माध्यमबाट के.आइ.सिंह गाउँपालिका मात्र नभई सिंगो राष्टको शिर उचो बनाउनेमा आफू विश्वस्त रहेको बताउँदै उज्ज्वल भविष्यको शुभकामना व्यक्त गरेका छन् । उक्त कार्यक्रममा डोटीको के.आइ.सिंह गाउँपालिकाबाट धनगढीमा आएर अध्ययन गरिरहेका विद्यार्थीहरुको उल्लेख्य सहभागिता रहेको थियो ।
विद्यार्थीहरुले पढाइको साथसाथै सामाजिक कार्यमा समेत क्रियाशिल भई सहभागिता जनाउँदै आएका छन् । यसअघि पनि निज विद्यार्थीको समुहले आफ्नो खाजाखर्चबाट जोगाएर धनगढीस्थित मानव सेवा आश्रमका असहाय तथा वृद्धहरुलाई खाजा सहयोग गरेका थिए ।
कार्यक्रममा सहभागी हुँदै एसपिए कलेजका मा.वि. संयोजक रमेश जोशीले आगामी दिनमा पनि एकजुट भई यस्ता विविध सामाजिक कार्यमा समुहले सहभागिता जनाउने प्रतिबद्धता समेत व्यक्त गरेका छन् । उक्त सरसफाई कार्यक्रममा आफ्नै पालिकाका राष्टिय क्रिकेट खेलाडी शेर मल्लको उपस्थितिले आफूहरु थप उत्साहित हुनुका साथै समाजको लागि केही गर्नुपर्छ भन्ने हौसला प्रदान भएको विद्यार्थीहरुले बताए ।
