धनगढी । नबिल बैंकको संस्थागत सामाजिक उत्तरदायित्व (CSR) अन्तर्गत र एसपीए कलेजको सहकार्यमा सञ्चालन हुँदै आएको Nabil School of Social Entrepreneurship (Nabil SSE) सर्टिफिकेट कोर्सको सातौँ समूहका लागि आवेदन खुला गरिएको छ।
सामाजिक उद्यमशीलताको विकास गर्ने, युवालाई उद्यमशीलतातर्फ आकर्षित गर्ने तथा समाजमा सकारात्मक परिवर्तन ल्याउन सक्ने सामाजिक उद्यमी निर्माण गर्ने उद्देश्यले सञ्चालन हुँदै आएको उक्त कार्यक्रमको सातौँ समूहका लागि इच्छुक व्यक्तिहरूले आवेदन दिन सक्नेछन्।
कार्यक्रममा १८ वर्ष उमेर पूरा भएका इच्छुक व्यक्ति सहभागी हुन सक्ने व्यवस्था गरिएको छ। सातौँ समूहका लागि सीमित सिटमा आवेदन खुला गरिएको जनाइएको छ। इच्छुक आवेदकहरूले असोज २४ गतेसम्म आवेदन दिन सक्नेछन्।
आवेदन तथा थप जानकारीका लागि एसपीए कलेजमा सम्पर्क गर्न सकिनेछ भने उपलब्ध गराइएको आवेदन लिंकमार्फत समेत आवेदन दिन सकिने छ।
Link to apply: https://forms.gle/68p73j8tGoKdyDvG7
नबिल एसएसई कार्यक्रमअन्तर्गत यसअघि एसपिए कलेजमा छ वटा समूह सफलतापूर्वक सम्पन्न भइसकेका छन्। ती समूहबाट सहभागीहरूले उद्यमशीलता, व्यवसाय विकास, सामाजिक प्रभाव तथा उद्यम सञ्चालनसम्बन्धी ज्ञान र सीप हासिल गर्दै आएका छन्।
सामाजिक समस्या पहिचान गरी त्यसको समाधानका लागि उद्यमशील सोच र अभ्यास विकास गर्ने लक्ष्यसहित सञ्चालन हुँदै आएको यस कार्यक्रमले युवाहरूलाई रोजगार खोज्ने मात्र नभई रोजगारी सिर्जना गर्ने तथा सामाजिक प्रभाव पार्ने उद्यमतर्फ अग्रसर गराउने अपेक्षा गरिएको छ।
