नेपाल शिक्षक महासंघद्धारा सञ्चालित शिक्षक आन्दोलन मिति २०८१ चैत्र २० गतेदेखि संघीय राजधानी काठमाण्डौमा जारी रहेकोमा त्यसमा ऐकेबद्धता जनाउन संस्थागत विद्यालय शिक्षक युनियन(ISTU) , सुदूर पश्चिम प्रदेश कमिटीले सम्वद्ध सबैमा आग्रह गरेको छ ।
विद्यालय शिक्षा ऐन जारी गराउने सवालमा भैरहेको देशव्यापी आन्दोलनमा सहभागी हुन समेत इस्टु सुदूर पश्चिमले अनुरोध गरेको छ । “आन्दोलनलाई अझ देशव्यापी तथा सशक्त बनाउनको लागि २०८१ चैत्र २५ गतेबाट आम शैक्षिक हड्ताल गर्ने नेपाल शिक्षक महासंघ राष्ट्रिय समितिको निर्णय बमोजिम भोलि २५ गतेदेखि सुदूर पश्चिम प्रदेश अन्तर्गतका सम्पुर्ण विद्यालयहरु (सामुदायिक एवम् संस्थागत) पूर्णरुपमा बन्द गरि सहयोग गरिदिन अनुरोध गर्दछौँ ” , विज्ञप्तिमा उल्लेख छ ।
यस अवधिमा प्रदेशभरका विद्यालयमा कक्षा ११ र १२ को पठनपाठन समेत पूर्णरुपमा बन्द गरि आन्दोलनमा सरिक भईदिनुहुन सम्पुर्ण शिक्षक कर्मचारीहरुलाई संस्थागत विद्यालय शिक्षक यूनियन सुदूर पश्चिम प्रदेश कार्य समिति संयोजक धर्मराज भट्टले हार्दिक अपिल गरेका छन् ।
उनले आन्दोलनप्रति ऐक्यवद्धता प्रकट गरिदिनुहुन सुदूर पश्चिम प्रदेशका सम्पुर्ण स्थानिय सरकारहरु, विद्यार्थी, अभिभावक, वि.व्य.सं. शि.अ.सं. लगायत शैक्षिक सम्वद्ध सरोकार पक्षहरुसँग आग्रह समेत गरेका छन् ।
