धनगढीस्थित सुदूर पश्चिमाञ्चल मा.वि. (एसपिए कलेज) मा आज कक्षा ११ का लागि प्रवेश परीक्षा सम्पन्न भएको छ । विगत २७ वर्षदेखि अनवरत रुपमा विभिन्न संकायमा शिक्षा प्रदान गर्दै आएको सुदूर पश्चिमाञ्चल एकेडेमीमा आज कैलाली कञ्चनपुर लगायत सुदूर पश्चिम प्रदेशका विभिन्न पहाडी जिल्लाबाट समेत विद्यार्थीहरु प्रवेश परीक्षामा सहभागी भएका थिए ।
हरेक वर्ष उत्कृष्ट नतिजा प्रदान गर्दै आएको यस एकेडेमीमा विद्यार्थीले शिक्षासँगै खेलकुद तथा विविध अतिरिक्त क्रियाकलाप मार्फत आफ्नो क्षमतालाई निर्खान सक्ने वातावरण रहेको कलेजका सहायक क्याम्पस प्रमुख रघुनाथ जोशीले बताउनुभयो । क्याम्पसमा विज्ञान , व्यवस्थापन , कम्प्युटर विज्ञान , होटल व्यवस्थापन , मानविकी , शिक्षा , कानून लगायतका विषयको अध्ययन हुँदै आएको छ ।
यथेष्ट भौतिक पूर्वाधार , एसी , स्मार्टबोर्ड , इन्टरनेट लगायत प्रविधिमैत्री तथा सुविधासम्पन्न कक्षाकोठामा विद्यार्थीका लागि स्मार्ट तवरले शिक्षा प्रदान गरिदै आएको क्याम्पसले जनाएको छ । विश्वविद्यालय अन्र्तगतका विभिन्न स्नातक तथा स्नाकोत्तर तहमा अध्यापन गर्ने अनुभवी तथा दक्ष प्राध्यापकहरुले कक्षा ११ र १२ मा समेत अध्यापन गर्ने हुँदा शैक्षिक गुणस्तरमा कुनै कमी नरहेको सहायक क्याम्पस प्रमुख जोशीले जनाउनुभयो ।
पहिलो चरणको प्रवेश परीक्षामा सामेल हुनबाट वन्चित तथा सु.प.का पहाडी जिल्लाका अभिभावक एवम् विद्यार्थीको अनुरोधलाई मध्यनजर गर्दै क्याम्पसले सीमित सिटका लागि मौका प्रदान गरेको भर्ना संयोजक समेत रहनुभएका क्याम्पसका प्रमुख प्रशासकीय अधिकृत प्रकाश बलायरले बताउनु भयो । यसैवीच एसपिए कलेजले यही आउँदो श्रावण १० गते शनिवार बिहान ८ बजे दोस्रो चरणको प्रवेश परीक्षाको मिति समेत तय गरेको छ ।
