धनगढीस्थित सुदूरपश्चिमाञ्चल क्याम्पसमा बिआइएम अध्ययन गरेकी अनुजा आचार्यले लगातार हरेक आठ ओटै सेमेष्टरको बोर्ड परीक्षामा उत्कृष्ट नतिजा ल्याउँदै सुदूर पश्चिम टप गरेकी छिन् ।
कक्षा ११/१२ मा व्यवस्थापनको पढाइ पश्चात् उनले सोही क्याम्पसमा त्रि.वि.अन्तर्गतको बिआइएम कोर्ष रोजिन् । हाल माइ सेकेन्ड टिचर अन्तर्गत MST Associate पदमामा जागिर गरिरहेकी उनी आफ्नो सफलताको श्रेय आफ्नो मिहेनेतका साथसाथै क्याम्पसको शैक्षिक व्यवस्थापन , बिआइएम अन्तर्गत हुने विविध कार्यकलापलाई दिन्छिन् ।
आफूले प्लस टु तथा स्नातक गरी जम्मा ६ वर्ष एसपिए कलेजमा बिताएको र त्यहाँबाट आर्जन गरेको ज्ञान र सीप अहिले प्रयोग गरिरहेको उनी बताउछिन् । बिआइएम कोर्षमा भएको व्यवस्थापन तथा आइटीको समिश्रण भएको पाठ्यक्रम अहिलेको बजारमा आफूलाई अब्बल सावित गर्न उचित भएको अनुजाको अनुभव छ । एसपिए कलेजमा एक फरक शैक्षिक वातावरण , सहयोगी शिक्षकवर्ग एवम् परियोजनामा आधारित शिक्षणसिकाइ रहेको उनी बताउँछिन् । अझै राम्रो अवसर बिआइएम सातौँ र आठौँ सेमेष्टरमा गरिने इन्टर्नसीपबाट पाइने अनुजाको अनुभव छ । आफूले पनि यही इन्टर्नसीपको माध्यमबाट ठुलो संस्थामा अवसर पाएर हाल सोही संस्थामा कर्मचारीको रुपमा कार्यरत रहेको उनले जानकारी गराइन् ।
आफूले पढिरहेको विषय तथा क्षेत्रमा निरन्तरता दिदै मेहेनत गरेमा सफलताको नजिक पुगिने उनको अनुभव छ । कक्षाकोठा तथा क्याम्पसमा बनेको जगलाई आफ्नो मिहेनत , अनुशासन तथा सुषुप्त क्षमताको यथेष्ट प्रयोग गरेमा अघि बढ्न सहज हुने सुझाव अनुजा सबै विद्यार्थीलाई दिन चाहन्छिन् ।
