देशमै , अझ आफ्नै समाजमा उद्यमी बनेर सामाजिक सवा गर्ने एक अवसरको पखाईमा तपाई हुनुहुन्छ भने नविल एसएसई(School of Social Entrepreneurship) कार्यक्रम एक महत्वपुर्ण कसी बन्न सक्नेछ । पौरखी हातहरुलाई उद्यमका विभिन्न आयामहरुमा विज्ञहरुमार्फत अन्यौलता दूर गर्ने नविल बैंकद्धारा देशभर सञ्चालित कार्यक्रम हो नविल एसईई सर्टिफिकेट कोर्ष । यस कोर्षले उद्यमीलाई व्यवसायमा आउने दुविधा , समस्या , चुनौतीहरु लाई दृष्टिगत गर्दै सम्भावनाको खोजी गर्न सिकाउँछ ।
१८ वर्ष उमेर पुगेका नेपालीहरु सहभागी हुन सक्ने यस कार्यक्रम अन्तूर्गत फेलोशिप कार्यक्रम त्रिभुवन विश्वविद्यालय व्यवस्थापन संकायसंगको सहकार्यमा संचालन हुँदै आएको छ । त्यसैगरी सातै प्रदेशका ११ वटा शैक्षिक संस्था संगको सहकार्यमा सर्टिफिकेट कोर्ष संचालित छ।बैंकले यस वर्षदेखि नबिल एसएसई सर्टिफिकेट कोर्सलाई प्रदेशअनुसार फरक फरक प्राथमिकताका क्षेत्रहरू निर्धारण गरी संचालन गर्ने भएको छ ।
सुदूर पश्चिम प्रदेशको हकमा बैंकले सुदूर पश्चिमाञ्चल क्याम्पसबाट यो सर्टिफिकेशन कोर्ष सञ्चालनमा ल्याउँदै नयाँ समुहको लागि आवेदन समेत खुलाएको छ ।
जसअन्तर्गत सांस्कृतिक पर्यटन र पशुपालनमा आधारित उद्यममार्फत समृद्धि भन्ने नारा सहित विभिन्न आन्तरिक तथा बाह्य पर्यटन , सुदूरपश्चिमका पहाडी जिल्लाका संस्कृति , राना थारु संस्कृति आदिमा आधारित उद्यम , होम स्टे एवम् बाख्रा , बंगुर , हाँस , कुखुरा , माछापालन लगायत विभिन्न पशुपालनमा आधारित भएर उद्यम गर्न चाहने उद्यमीहरुले आवेदन दिन सक्नेछन् ।
उद्यम सुरु गर्नुभन्दा पहिले नै उद्यम के गर्ने , कसरी गर्ने , बजार व्यवस्थापन लगायतका व्यवहारिक एवम् प्राविधिक तौरतरिकाहरु सिकाइने हुँदा आफू र आफूजस्तालाई सहज भएको नविल एसएसई कोर्षमा सहभागी भएर हाल आफ्नै कृषि तथा पशुपन्छी फर्म सञ्चालन गरिरहेका ईश्वर थापा बताउँछन् । त्यस्तै , अन्य सहभागीहरु पनि कृषि , पशुपालन , साना उद्योगहरुमार्फत उद्यमशिलतामा संलग्न रहेका छन् ।
यसरी दिन सकिनेछ आवेदन
अनलाइन फारामको लिंक : https://forms.gle/kwConeZqDTdJa2h99
थप जानकारीका लागि सम्पर्क : 9848529611
फाराम भर्ने अन्तिम मिति : २०८२ कात्तिक २८ गते सम्म
