धनगढीको सुदूर पश्चिमाञ्चल क्याम्पसमा सूचना प्रविधि उत्सव (Tech Fest 0.2) आयोजना हुने भएको छ । यही माघ १० र ११ गते एसपिए रोवोटिक्स क्लबको आयोजनामा उक्त प्रविधि उत्सवको दोस्रो संस्करण आयोजना हुन लागेको हो । उक्त उत्सवमा सुदूर पश्चिमका विभिन्न विद्यालय तथा क्याम्पसहरुले सहभागिता जनाउन सक्ने क्लबका अध्यक्ष जैनुल अल जफर सिद्धिकीले जानकारी दिए ।
दुई दिनसम्म सञ्चालन हुने उक्त प्रविधि उत्सवलाई विभिन्न ४ वटा खण्डमा विभाजन गरिएको छ । जसअन्र्तगत रोबोटिक्स , विज्ञान , खेल तथा अतिरिक्त खण्डभित्र रोबो सुमो , रेस , सकर , स्टीम प्रर्दशनी , च्यालेन्ज , युवा वैज्ञानिक प्रदर्शनी , आइटी हाजिरिजवाफ , चेस , बेलुक काररेस रहेका छन् । त्यस्तै अतिरिक्त खण्ड अन्तर्गत मनोरञ्जनात्मक नृत्य , फुड स्टल , म्युजिक चेयर लगायतका प्रस्तुती रहने आयोजकद्धारा जनाईएको छ ।
यसका लागि सबै विद्यालय तथा क्याम्पसहरुलाई सहभागिता जनाई उत्सवलाई भव्य बनाउन आयोजकले अनुरोध समेत गरेको छ । त्यस्तै विभिन्न प्रतियोगिता तथा प्रदर्शनी अवलोकन गरी कार्यक्रमको शोभा बढाईदिन तथा नव प्राविधिकहरुको हौसला प्रदान गरिदिन समेत क्लबको आग्रह रहेको छ ।
विस्तृत जानकारीको लागि आधिकारिक मो.नं. ९७४६३२५९५९ तथा ईमेलमा सम्पर्क गर्न सकिनेछ ।
