धनगढीः मानव सेवा आश्रमले धनगढीमा आजदेखि श्रीमद्भागवत सप्ताह ज्ञान विज्ञान महायज्ञ सुरु गरेको छ।
आश्रमले धनगढीमा आफ्नै भवन निर्माण गर्ने उद्देश्यले सप्ताहव्यापी ज्ञान विज्ञान महायज्ञ सुरु गरेको हो। धनगढी उपमहानगरपालिका–१ पशुपति टोलस्थित महोत्सवस्थलमा आयोजना गरिएको महायज्ञ सुदूरपश्चिम प्रदेशका मुख्यमन्त्री कमलबहादुर शाहले उद्घाटन गरेका छन्। महायज्ञ यही माघ ३० गतेसम्म सञ्चालन हुनेछ।
आश्रमले भवन निर्माणका लागि १५ करोड रुपैयाँभन्दा बढी लाग्ने र महायज्ञबाट ५ करोड रुपैयाँ सङ्कलन गर्ने लक्ष्य राखेको आश्रमका केन्द्रीय अध्यक्ष रामजी अधिकारीले बताए। आश्रमको धनगढी शाखाले हालसम्म करिब ४ सय जना सहयोगापेक्षी सडक मानवहरूको उद्धार गरेको जनाएको छ।दिनेश खबर बाट साभार
