कैलाली : सुदूरपश्चिम प्रदेशकै गौरवको योजना निर्माणमा ठेकेदारले चरम लापर्बाही गरेको जनाइएको छ।
कैलालीको घोडाघोडी नगरपालिका–१ सुखडको राष्ट्रिय माध्यमिक विद्यालयमा बन्दै गरेको विशेष विद्यालयको भौतिक संरचना निर्माणमा सम्झौता बमोजिम सिमेन्टको प्रयोग नभएपछि ढलान गरिएको बिम भत्काइएको हो।कैलालीको घोडाघोडी नगरपालिका–१ सुखडको राष्ट्रिय माध्यमिक विद्यालयमा बन्दै गरेको विशेष विद्यालयको भौतिक संरचना निर्माणमा सम्झौता बमोजिम सिमेन्टको प्रयोग नभएपछि ढलान गरिएको बिम भत्काइएको हो।
घोडाघोडी नगरपालिकाका नगर प्रवक्ता तथा वडा नम्बर १ का वडाध्यक्ष घनश्याम ओझाले ओपीसिको ठाउँमा पिपीसि सिमेन्ट प्रयोग भएको जानकारी पाउनासाथ अनुगमनमा गई निर्माणमा खटिएका लेबर मिस्त्री द्धारानै ढलान भत्काएको बताए। ढलानमा ओपीसि सिमेन्ट प्रयोग गर्न ठेकेदारलाई निर्देशन दिएको उनले बताए।सङ्घीय सरकारको अनुदान सहयोगमा निर्माण हुँदै गरेको उक्त विद्यालय २०७७ सालमा बजेट आए पनि जग्गा विवादका कारण निर्माणमा ढिलाइ भएको थियो। राष्ट्रिय माध्यमिक विद्यालयले व्यापारीलाई भाडामा दिएको जग्गा खाली गरेपछि वैशाखबाट निर्माण सुरु भएको हो।
फरक क्षमता भएका विद्यार्थीहरुका लागि आवासीय नमुना विशेष विद्यालयको निर्माण लागत २ करोड १६ लाख रुपैयाँ रहेकोे छ। विद्यालयको नाममा स्रेस्ता कायम रहेको ८ कट्ठा क्षेत्रफलको कित्ता नं ९७ मा बन्दै गरेको भवन आगामी २०८३ सालको असार महिनासम्ममा निर्माण सम्पन्न गर्ने लक्ष्य लिइएको छ।दिनेश खबर बाट साभार
