धनगढीः कैलालीमा प्रहरीले सञ्चालन गरेको ‘सर्च एण्ड स्विप अपरेसन’ अन्तर्गत एक सातामै १४९ जना पक्राउ परेका छन्। प्रहरीले जिल्ला अदालत कैलालीले विभिन्न मितिमा फैसला गरी कैद तथा जरिवाना तिर्न बाँकी रहेका १४९ जनालाई पक्राउ गरेको हो
उनीहरूलाई मंसिर १ गते देखि ७ गतेसम्म सात दिनको अवधिमा पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक तथा प्रवक्ता राजकुमार सिंहले बताए।
‘सर्च एण्ड स्वीप अपरेसन’ अन्तर्गत जिल्ला प्रहरी कार्यालय कैलालीले ६८ जना, इलाका प्रहरी कार्यालय मालाखेतीले २५ जना, इलाका प्रहरी कार्यालय टीकापुरले २२ जना, इलाका प्रहरी कार्यालय भजनीले १० जना, इलाका प्रहरी कार्यालय सुखडले ९ जना, इलाका प्रहरी कार्यालय सडकपुरले ७ जना, इलाका प्रहरी कार्यालय लम्कीले ६ जना र इलाका प्रहरी कार्यालय चिसापानीले २ जना पक्राउ गरेको प्रवक्ता सिंहले बताए।दिनेश खबर बाट साभार
