नवलपुर : लगातारको वर्षाले चिप्लो बाटोमा गाडीहरू उक्लिन नसक्दा पूर्वपश्चिम राजमार्गअन्तर्गत नवलपुरको दाउन्ने सडक खण्डमा गाडीको लामो लाइन लागेको छ।
इलाका प्रहरी कार्यालय दुम्किवासका अनुसार ७ किलोमिटरभन्दा लामो जाम परेको छ।
शुक्रवार दिउँसोदेखि पानी परेर सडक चिप्लो भएपछि दाउन्ने खण्ड अवरुद्ध हुँदा ट्राफिक व्यवस्थापनमा समस्या भएको प्रहरीको भनाइ छ।
जिल्ला प्रहरी कार्यालयका प्रमुख, प्रहरी उपरीक्षक युवराज खड्काले केहीवेर खुल्ने गरेपनि फेरि अवरुद्ध हुँदा सवारी साधन लामो जाममा परेका बताए।
पैसट्ठीमोड र विश्वकर्मा मन्दिर नजिक बढी समस्या देखिएको उनको भनाइ छ।
यहाँ हिजो दिउँसोदेखि नै पानी परे पनि अहिले भने पानी पर्न रोकिएको छ। अव भने विस्तारै यात्रायाता सहज हुन सक्ने उनको भनाइ छ।
सडक हिलाम्य र चिप्लो भएपछि हिजोदेखि तीन दिनसम्म रातिका लागि ठूला तथा मालबाहक सवारी साधन प्रतिबन्ध लगाइएको छ।थाहाखबर बाट साभार
