धनगढीस्थित KGIST इन्स्टिच्युटले एसईई परीक्षा दिएर बसेका विद्यार्थीहरुलाई लक्षित गरी नि:शुल्क कक्षाहरु सञ्चालन गर्ने भएको छ । एसईई परिक्षा दिएर घरमै बसेका विद्यार्थीहरुको समयको सही सदुपयोग गर्ने हेतुले अंग्रेजी तथा कम्प्युटरका कक्षाहरु सञ्चालन गर्न लागिएको इन्स्टिच्युटका शिक्षक रविन्द्र चन्दले जानकारी गराए ।
अहिलेको प्रतिस्पर्धात्मक युगमा अंग्रेजी भाषा तथा कम्प्युटरको ज्ञान अपरिहार्य भएको हुँदा उक्त कक्षाहरु सञ्चालन गर्दा विद्यार्थीहरुको व्यक्तित्व विकास तथा कम्प्युटर सिपको विकासमा टेवा पुग्ने विश्वास इन्स्टिच्युटले लिएको छ । इन्स्टिच्युटले यही आउँदो वैशाख ३ गतेबाट सो कक्षाहरु नि:शुल्क रुपमा सञ्चालनमा ल्याउने भएको हो।
सीमित सिट भएकाले समयमै सम्पर्क गरी आफ्नो सिट सुरक्षित गर्न समेत इन्स्टिच्युटले अनुरोध गरेको छ । विगत वषौँदेखि होटल व्यवस्थापनका विभिन्न कोर्षहरु अध्यापन गर्दै आएको KGIST इन्स्टिच्युटमा आउँदो शैक्षिक सत्रका लागि होटल व्यवस्थापन डिप्लोमाका कक्षाहरुमा भर्ना खुलेको समेत इन्स्टिच्युटले जनाएको छ ।
