प्रहरीले कैलाली कञ्चनपुरका छुट्टाछुटै पालिकाबाट १० लाख बढीको अवैध सामान बरामद गरेको छ । शुक्रवार धनगढी उपमहानगरपालिका – १९ पच्चिस घरबाट अबैंध रुपमा भारतबाट भन्सार छलि गरि ल्याएका अन्दाजी मूल्य १ लाख ९० हजार बराबरको ट्याक्टरको ब्यरिङ ७१ थान सहित एक भारतीय नागरिक पक्राउ परेका छन । पक्राउ पर्नेमा भारत लखिमपुर निनासन का २५ वर्षीय ईरफान खान रहेको प्रदेश प्रहरी कार्यालय धनगढीले जनाएको छ । प्रहरीले उनको साथबाट युपी ३१ ई ९२७३ नम्बरको मोटरसाइकल समेत बरामद गरेको जनाएको छ ।
यसैबिच शुक्रबार नै धनगढी उपमहानगरपालिका – ३ ट्राफिक चौराहा र चटकपुर, धनगढी उपमहानगरपालिका – १० घुयाँघाट, धनगढी उपमहानगरपालिका – १२ कम्पनि टोल, धनगढी उपमहानगरपालिका – १८ तुलसिबारी र भजनी नगरपालिका – ७ हिम्मतपुरबाट अबैंध रुपमा भारतबाट भन्सार छलि गरि ल्याएका रु.४ लाख ९१ हजार २५० रुपैयाँ बराबरको सामान बरामद गरिएको छ ।
जसअन्तरगत प्याज, चिनी, सुटपिस, मोजा, कुर्ती, बच्चाको कपडा, कस्मेटिक सामान, ३ वटा बोका, मोटरसाइकल लगायतका सामानहरु रहेको प्रहरीले जनाएको छ ।
यसैबिच भीमदत्त नगरपालिका – ४ भासी र भीमदत्त नगरपालिका – ११ चौकीसत्ताबाट अबैंध रुपमा भारतबाट भन्सार छलि गरि ३ लाख ४७ हजार १०२ रुपैयाँ बराबरको प्याज, जुत्ता, चप्पल, प्लाष्टिक झिल्ली, पटाका, हाडबेयर, कस्मेटिक, किराना लगायतका सामानहरु बरामद गरिएको प्रदेश प्रहरी कार्यालय धनगढीले जनाएको छ ।
