धनगढी: धनगढीस्थित सुदूर पश्चिमााञ्चल एकेडेमी(एसपिए) बाट भखरै प्रकाशित कक्षा १२ को एसएलसी परीक्षाको नतिजामा यस क्षेत्रकै सर्वाधिक संख्यामा विद्यार्थी उत्तीर्ण भएका छन् । कक्षा ११/१२ मा विज्ञान , व्यवस्थापन , कम्प्युटर विज्ञान , होटल व्यवस्थापन , मानविकी , शिक्षा र कानून संकायमा अध्ययन हुने उक्त एकेडेमीबाट यस वर्षको कक्षा १२ मा धनगढी क्षेत्रकै सर्वाधिक संख्यामा विद्यार्थी उत्तीर्ण भएको एकेडेमीका प्रमुख प्रशासनिक अधिकृत प्रकाश बलायरले बताउनुभयो ।
विभिन्न संकाय अन्तर्गत विज्ञान संकायमा १३७ जना , व्यवस्थापन संकायमा २५६ , होटल व्यवस्थापनमा १०४ जना तथा मानविकी , शिक्षा र कानून संकायमा ५१ जना गरी कूल जम्मा ५४८ जना विद्यार्थी उत्तीर्ण भएको एकेडेमीका विज्ञान संकाय संयोजक डिल्ली धामीले जानकारी गराउनुभयो ।
सोही कलेजमा त्रिभुवन विश्वविद्यालय अन्तर्गत वार्षिक प्रणाली अन्तर्गत BBS, BA, B.Ed. , BSW र सेमेष्टर प्रणाली अन्तर्गत BITM र BHM कार्यक्रम समेत सञ्चालित रहेकोमा अधिकांश विद्यार्थीले सोही कलेजका स्नातक कार्यक्रम रोज्ने गरेको क्याम्पसका सहायक प्राचार्य रघुनाथ जोशीले जनाउनुभयो ।
कलेजमा त्रि.वि.का विभिन्न स्नातक कार्यक्रमसँगै MBS तथा M.Ed. का कक्षाहरु पनि सञ्चालित छन् । १२ कक्षाको नतिजा प्रकाशनसँगै विभिन्न स्नातकका कार्यक्रममा एसपिए कलेजले भर्ना कार्यक्रम आह्वान गरेको जनाएको छ ।
