धनगढीमा दोस्रो प्रादेशिक ललितकला प्रदर्शनी आयोजना हुने भएको छ । नेपाल ललितकला प्रज्ञा प्रतिष्ठान र सुदूरपश्चिम प्रज्ञा प्रतिष्ठानको संयुक्त आयोजनामा उक्त प्रदर्शनी हुन लागेको हो ।
उक्त प्रदर्शनीमा विभिन्न हस्तकला , चित्रकला , मूर्तिकला तथा लोककला प्रदर्शनी प्रस्तुत गरिने प्रतिष्ठानले जनाएको छ । विशेषगरी सुदूरपश्चिमका कलाकारद्धारा निर्मित तथा सिर्जित कला प्रस्तुत गर्नु यस प्रदर्शनीको उद्देश्य रहेको छ ।
यही फागुन ८ गतेदेखी १२ गतेसम्म आयोजना गरिने उक्त प्रदर्शनीको यही फागुन ८ गते दिउँसो १ बजेदेखि समुद्घाटन समारोह रहेको सुदूरपश्चिम प्रज्ञा प्रतिष्ठानका उपकुलपति डा. टिएन जोशीले बताए ।
सुदूरपश्चिम प्रज्ञा प्रतिष्ठानको कार्यालय हसनपुर धनगढीमा आयोजना हुने प्रदर्शनीमा दर्शकले हरेक दिन विहान १० बजेदेखि ५ बजेसम्म निशुल्क अवलोकन गर्न सक्ने व्यवस्था मिलाइएको समेत आयोजकले जनाएको छ ।
