बैशाख २१ घाेराही दाङ / प्युठान नगरपालिका ५ जुम्रीकाँडा घर भएका भेलु बाजे नामबाट चर्चित मिनबहादुर बुढा मगरको दुखद निधन भएको छ। उनकाे जिल्ला अस्पताल प्युठानमा निधन भएको अस्पताल स्रोतले जनाएको छ ।
अश्लिल शब्दहरू बोलेर मात्र होइन उनिमा दर्शक श्रोतालाई हसाउँन सक्ने अदभूत क्षमता थियो । त्यहीँ क्षमताको कारण युट्युब ,टिकटक लगायतका सामाजिक संजालमा भाइरल भए ।
भेलु बाजेको श्रीमती उपचार अभाव कै कारण केही समय अगाडि मृत्यु भएको थियो । त्यसपछि उनीमा पिडा थपिदै स्वास्थ्यमा समस्या बढ्दै गएकाे बुझिन्छ । उपचार गर्ने आर्थिक अभाव थियो । त्यहीँ अभाव थाहा पाएर पत्रकार भोजराज थापाले आज भन्दा तीन महिना पहिले काठमाडौ लिएर उपचार गरेका थिए । थापाले काठमाडौ लिदै गर्दा बाटोमा थापासँगको कुराकानीमा उनले भनेका थिए तपाईले उपचार गर्दिनु भयो भने ´बढिमा तीन म महिना बाँच्छु ` भनेका मिनबहादुर तीन महिना पछि अस्ताएका छन ।
भोजराज थापाले सामाजिक संजालमा लेखेका छन् ´रक्सी नखानु भनेको मान्नु भएन त्यसैले दु:खद निधन भयो । हार्दिक श्रद्धाञ्जली बाजे `!
यहाँबाट पनि संकेत हुन्छ कि बाजेलाई पिडा बिसाउने चौतारी रक्सी बनेको रहेछ र रक्सीको कारण मृत्यु भयो। यद्यपि पोस्टमार्टम रिपोर्ट आएपछि मृत्युको वास्तविक कारण खुल्ने छ ।”
