संस्थागत विद्यालय शिक्षक युनियन (इष्टु) कैलालीको जिल्ला कार्य समिति चयन भएको छ । आज आयोजित सातौँ जिल्ला अधिवेशनबाट शिक्षक इन्द्रमणि अवस्थीको अध्यक्षतामा नौ सदस्यीय नयाँ कार्यसमिति चयन गरिएको हो । इष्टु जिल्ला कार्य समिति कैलालीको आयोजनामा सम्पन्न कार्यक्रमवीच लामो समयदेखि शैक्षिक , राजनैतिक , स्वास्थ्य लगायत अन्य क्षेत्रमा योगदान पुगाएका व्यक्तित्वलाई सम्मान समेत गरिएको छ । यसैगरी २०८२ सालको कक्षा ८ को धनगढी नगरस्तरिय परीक्षामा ४.० जिपिए प्राप्त गर्न सफल विद्यार्थीहरुलाई पनि सम्मान गरिएको छ ।
सुदुर पश्चिम प्रदेशका प्रदेश सभा सदस्य एवम् पूर्व भौतिक योजना तथा पूर्वाधार विकास मन्त्री माननिय प्रकाश देउवा ज्यूको प्रमुख आतिथ्यतामा सम्पन्न उक्त कार्यक्रमा विभिन्न विशिष्ट व्यक्तित्वहरुले संस्थागत विद्यालयका शिक्षकहरुको देशकै शैक्षिक क्षेत्रमा बेग्लै पहिचान रहेको तथा संगठित रुपमा अझै उचाइ प्राप्त गर्न सकिने बताउनु भयो । कार्यक्रम सस्थागत विद्यालय शिक्षक युनियनका निवर्तमान केन्द्रीय सदस्य तिर्थराज अवस्थीको सभाध्यक्षतामा सम्पन्न भएको थियो । कार्यक्रममा विभिन्न सांस्कृतिक प्रस्तुति समेत प्रस्तुत गरिएको थियो । कार्यक्रम पुष्प ओझाले सञ्चालन गरेका थिए ।
यस्तो छ नयाँ जिल्ला कार्यसमिति
१) इन्द्रमणि अवस्थी – अध्यक्ष
२) खगेन्द्र जोशी – उपाध्यक्ष
३) दिर्घराज उपाध्याय – उपाध्यक्ष
४) पुष्प राज ओझा – सचिव
५) जयराज भट्ट – सह-सचिव
६) तिलक प्रसाद उपाध्याय – कोषाध्यक्ष
७) राधिका खड्का – सदस्य
८) विमला बोहरा – सदस्य
९) सुलभ थापा – सदस्य
