नेकपा (एमाले)ले बारा-३ बाट मतदान गरेर उम्मेदवार छानेको छ।
एक महिलासहित तीन जना सिफारिस गर्नुपर्ने अवस्थामा सहमति नजुटेपछि बारा-३ मा मतदान गरेर एमालेले उम्मेदवार सिफारिस गरेको हो।
यसबाट अध्यानन्द पाण्डे, यम समुल्लाह र सीमा ठकुरी सिफारिस भएका छन्।
एमाले बारा जिल्ला अध्यक्ष समेत रहेका पाण्डेले शत प्रतिशत मत पाएर पहिलो नम्बरमा सिफारिस भएका छन्।
उनी जिल्ला अधिवेशनमा पनि संस्थापन इतरबाट उम्मेदवारी दिएर विजयी भएका थिए। त्यतिबेला उनले केपी ओली पक्षका टिना सुवेदीलाई पराजित गरी जिल्ला अध्यक्ष निर्वाचित भएका थिए।
दोस्रो नम्बरमा ३७ मत ल्याएर यम समुल्लाह र ३६ मत प्राप्त गर्दै सीमा ठकुरी उम्मेदवार सिफारिस भएका छन्।
निर्वर्तमा सांसद ज्वाला साहले ४ मत पाएकी छन्। त्यस्तै टीना सुवेदीले शून्य, सीता सुवेदीले १, गायत्रीदेवी साहले ५ मत पाएको क्षेत्रीय समितिका एक सदस्यले जानकारी दिए। सेतोपाटी बाट साभार
