कैलालीको धनगढीमा Hungry Mouth नामक रेष्टुरेन्ट सञ्चालनमा आएको छ । धनगढी उपमहानगरपालिका वडा नं. ५ तारानगरस्थित एक्सिस विद्याश्रम (प्लस टु) नजिक उक्त रेष्टुरेन्ट अवस्थित छ । धनगढीकै दुई युवा उद्यमी नेत्र राज पाण्डे र तिर्थ कठायतले सञ्चालन गरेको उक्त रेष्टुरेन्टमा अहिले उपभोक्ताको घुइँचो लाग्ने गरेको छ ।
गुणस्तरिय परिकारसँगै प्रशस्त पार्किङ्ग क्षेत्र , एकान्त शान्त बस्ने वातावरण सहित छिटो छरितो सेवा प्रदान गरिरहेको हुँदा आफूहरु यहाँ आउने गरेको स्थानिय उपभोक्ताले बताएका छन् । “शुक्रबार विशेष” अन्तर्गत केही नौलो परिकार बनाएर उपभोक्तालाई फरक स्वादसहित सत्कार गरिदै आएको सञ्चालक पाण्डेले बताए ।
घरमै रेष्टुरेन्टका परिकारको स्वाद लिन चाहनेहरुका लागि माग अनुसार होम डेलिभरी सेवा पनि उपलब्ध रहेको छ ।
निकट भविष्यमा नै खेलकुद तथा इभेन्टको लाइभ हेर्न सकिने व्यवस्था , सांगितिक कन्सर्टको सुविधा पनि थप्ने सञ्चालक तिर्थ कठायतले बताएका छन् ।
यही श्रावण ८ गते उद्घाटन भई सञ्चालनमा आएको रेष्टुरेन्टमा विभिन्न फरक स्वाद लिन तथा एकान्त वातावरणमा रमाउन स्थानियहरु आउने गरेको सञ्चालकको भनाइ छ ।
