कैलाली । कैलालीको सेती प्रादेशिक अस्पतालको क्यान्टिनमा अखाद्य बस्तु फेला परेको छ ।
धनगढी उपमहानगरपालिकाको खाद्य स्वच्छता तथा बजार अनुगमन समिति, वडा प्रहरी कार्यालय र खाद्य ब्यवस्था तथा गुण नियन्त्रण कार्यालयको सयुंक्त अनुगमनका क्रममा अस्पतालको क्यान्टिनमा अखाद्य बस्तु भेटिएको हो ।
अस्पताल परिसरमा रहेको क्यान्टिनको एउटै फ्रिज भित्र मासु र दुध राखेको पाइएको छ । दुध र मासु एउटै ठाउँमा खुल्ला रुपमा राखिदा रिएक्सन हुने जोखिम रहेको अनुगमन समितिका सदस्य रमेश मल्लले जानकारी दिए ।
सो क्यान्टिनबाट ३ प्लेट नपकाएको मस् मस्, ३ किलो कलर हालेको अचार, ३ किलो चिकेन र १० लिटर दुध बरामद गरी नस्ट गरिएको हो ।
धनगढी उपमहानगरपालिकाकी उप प्रमुख कन्दकला राना सहित सहभागी अनुगमन समितिले अस्पतालको क्यान्टिनलाई दुई हजार जरिवाना गराएको छ । यसका साथै फेरी यस्ता गल्ती नगर्न चेतावनी दिइएको अनुगमन समिति सदस्य मल्लले बताए ।
