कैलालीको धनगढीमा रहेको शिक्षा र संस्कारको सङ्गम, प्रकृति र संस्कृतिको सम्मान, वेद र विज्ञानको संयोजन चैतन्य पाठशालाको प्राचार्यमा प्रेमनिधी ओझा नियुक्त भएका छन् ।
करिव ३७ वर्ष लामो समय देखि शिक्षा क्षेत्रमा विशिष्ट पहिचान बनाउन सफल ओझा आज देखि चैतन्य पाठशालाको प्राचार्यको रुपमा सक्रिय हुनु भएको छ । विद्यालयको बिहानी सत्रमा औपचारिक कार्यक्रमको आयोजना गर्दै वैदिक विधि विधानसहित उहाँलाई प्राचार्यको जिम्मेवारी दिइएको हो । नव नियुक्त प्राचार्यलाई पाठशालाले एक कार्यक्रमका बिच स्वागत गरेको छ ।
नव नियुक्त प्राचार्य ओझाले पाठशालाको प्राचार्यको जिम्मेवारी पाएको सुखद क्षणमा सम्बोधन गर्दै अहिले चैतन्य पाठशालाको शिक्षा प्रणाली उत्कृष्ट रहेको र आगामी दिनमा शैक्षिक गुणस्तरलाई अझ सशक्त बनाउने आफ्नो प्रयास रहने सु-भाव व्यक्त गरे । विगत चार दशक देखि शिक्षण र शैक्षिक संस्थाको नेतृत्व गरिरहनु भएका अनुकरणीय शैक्षिक व्यक्तित्व ओझाले विगत लामो समय धनगढीको ऐश्वर्य स्कुलको प्राचार्यको रुपमा रहेका थिए ।
नव नियुक्त प्राचार्य ओझालाई शुभकामना दिँदै पाठशालाका अध्यक्ष गणेश प्रसाद जोशीले चैतन्य पाठशाला कितावी ज्ञान भन्दा जीवन निर्माणको शिक्षामा जोड दिँदै आएको र चैतन्यले जीवन उपयोगी सीप प्रदान गर्ने समेत बताए । उनले भने चैतन्यको लक्ष्य प्राप्तीमा अबको दिन अझ उत्कृष्ट र सहज हुने आफ्नो आशा रहेको पनि बताए । पाठशाला स्थापनाकाल देखि नै सुदूरपश्चिममै नौलो र छुट्टै पहिचान बनाउन सफल भएको पाठशाला हो ।
