ग्लोबल कलेज इन्टरनेशनल , काठमाडौँमा बिएचएम छैटौँ सेमेष्टरमा अध्ययनरत विद्यार्थीहरुले होमस्टे तथा भ्रमणको लागि सुदूरपश्चिम प्रदेशलार्ई गन्तव्यको रुपमा छानेका छन् ।
सुदूर पश्चिम नेपालमा अवस्थित विभिन्न धार्मिक सांस्कृतिक , प्राकृतिक तथा महत्व बोकेका क्षेत्रहरुमा अवलोकन , त्यहाँको रहनसहन , चालचलन आदिको ज्ञान हासिल गर्ने उद्देश्यले यस क्षेत्रलाई आफ्नो भ्रमणको गन्तव्य बनाइएको क्याम्सले जनाएको छ ।
देशका अन्य भुभागभन्दा पृथक महत्व तथा चालचलन बोकेको सुदूर पश्चिम प्रदेशको अवलोकन भ्रमण तथा आतिथ्यताबाट आफूहरु प्रभावित भएको भ्रमण सहभागी विद्यार्थीहरुले बताएका छन् ।
उक्त भ्रमण टोली सुदूर पश्चिमको धनगढी पुगी पहाडि जिल्लाहरु अन्तर्गत खप्तड राष्टिय निकुन्ज क्षेत्र , डोटीको शैलेश्वरी मन्दिर , डडेल्धुराको उग्रतारा मन्दिर आदिमा पुगेर त्यहाँको धार्मिक महत्व एवम संस्कृति तथा प्राकृतिक सुन्दरताले मोहित भएको सहभागीहरुको अनुभव रहेको छ ।
