धनगढीस्थित KGIST इन्स्टिच्युटले आज एक समारोहविच विद्यार्थीहरुलाई पुरस्कार तथा प्रमाणपत्र वितरण कार्यक्रम सम्पन्न गरेको छ । भर्खरै सम्पन्न खेल सप्ताह अन्तर्गत विविध खेलकुद तथा अतिरिक्त क्रियाकलापका विजेताहरुलाई पुरस्कार , मेडल तथा प्रमाणपत्र वितरण गर्न उक्त कार्यक्रम आयोजना गरिएको कार्यक्रम संयोजक विकास सि.के.ले जानकारी दिए । सोही अवसरमा KGIST इन्स्टिच्युटद्धारा आयोजित कम्प्युटर तालिम लिएका विद्यार्थीहरुलाई कम्प्युटर प्रशिक्षक धर्मराज भट्टले प्रमाणपत्र समेत प्रदान गरेका थिए ।
एसपिए कलेजका प्रमुख प्रशासकिय अधिकृत तथा KGIST इन्स्टिच्युटका सल्लाहकार प्रकाश बलायरको सभापतित्वमा सम्पन्न उक्त कार्यक्रममा प्रमुख अतिथिको रुपमा KGIST इन्स्टिच्युट एवम् एसपिए कलेज धनगढीका अध्यक्ष योगेन्द्र शाही रहेका थिए । कार्यक्रममा बोल्दै प्रमुख अतिथि शाहीले विगतबाट नै सुदूर पश्चिममा शिक्षा क्षेत्रमार्फत समाजमा केही गर्नुपर्छ भन्ने अभिप्रायले आफुले एसपिए कलेज एवम् KGIST इन्स्टिच्युटको स्थापना गरेको जानकारी दिए । अध्ययन सँगसँगै विद्यार्थीको विद्यार्थीको चौतर्फी विकासमा आफू सधैँ तत्पर रहेको प्रमुख अतिथि शाहीले बताए ।
सोही अवसरमा विशिष्ट अतिथिको रुपमा रहेका एसपिए कलेजका उप प्राध्यापक एवम् प्रेरणादायी व्यक्तित्व डा. कृष्ण बहादुर बोहराले विद्यार्थीहरु माझमा उत्प्रेरणादायी प्रस्तुती प्रस्तुत गरेका थिए । कार्यक्रममा विद्यार्थीहरुले विभिन्न सास्कृतिक प्रस्तुती पनि प्रस्तुत गरेका थिए ।
कार्यक्रममा आफ्नो मन्तव्य राख्दै सभापति एवम् KGIST इन्स्टिच्युटका सल्लाहकार प्रकाश बलायरले यस्ता उत्प्रेरक प्रस्तुतीले विद्यार्थीमा व्यक्तिगत तथा पेशागत विकासमा टेवा पुग्ने बताउँदै आगामी दिनमा पनि संस्थाले यस्ता विभिन्न नवप्रर्वतनका कार्यमा लाग्ने प्रतिबद्धता व्यक्त गरे । साथै , सोही अवसरमा विभिन्न महिनामा Best Student of the Month बन्न सफल उत्कृष्ट १५ जना विद्यार्थीहरुलाई नगद पुरस्कारसहित सम्मानित गरिएको छ ।
एसपिए कलेजको सभाहलमा विद्यार्थीहरुको उल्लेख्य उपस्थितिका विच सम्पन्न उक्त कार्यक्रमको संचालन पुष्प राज ओझाले गरेका थिए ।
