ऐश्वर्य बहुमुखी क्याम्पसको स्ववियु निर्वाचनका लागि नेविसंघका तर्फबाट आज अध्यक्ष पदको उमेदवारी दर्ता गरिएको छ । क्याम्पसमा बिबिएस तेस्रो वर्ष (नयाँ) मा अध्ययनरत दीपक राज भट्टले अध्यक्षको उमेदवार रहने गरि आफ्नो नाम दर्ता गराएका छन् । आफ्नो उमेदवारी दर्ता पश्चात सबै तह , विधा समेट्ने गरि नेविसंघबाट सबै पदका उमेदवारहरु दर्ता गराइने अध्यक्ष पदका उमेदवार भट्टले बताए ।
आउँदो निर्वाचनमा प्यानलसहित विजयी भई क्याम्पसमा अध्ययनरत विद्यार्थीहरुको बृहत्तर हकहीतमा लाग्ने उनले बताए । आफ्नो प्यानलमा सबै तिरबाट रुचाइएका , सधैँ विद्यार्थीहरुको माझमा रहने , गुनासो सुन्ने र त्यसलाई क्याम्पस प्रशासनसम्म लगेर निष्कर्षमा पुगाउने खालका जुझारु उमेदवार रहेकोले उनको जित सुनिश्चित रहेको क्याम्पसमा अध्ययनरत विद्यार्थीहरु बताउँछन् ।
स्ववियु निर्वाचनको चहलपहल बढिरहदाँ विद्यार्थी, विद्यार्थी नेता, पुर्व विद्यार्थी नेताको रोजाईमा समेत उनी छन् । उनको उम्मेदवारीले नेविसंघको जित निश्चित गर्ने विद्यार्थीहरुको विश्वास छ ।
यही चैत्र ५ गते देशव्यापी रुपमा स्ववियु निर्वाचन हुँदैछ ।
