वालेट सेवा प्रदायक कम्पनी इसेवा लिमिटेड र जिएसएमए मोबाइल फर डेभ्लपमेन्टको सहकार्यमा धनगढीमा एक दिने प्रशिक्षण कार्यक्रम सम्पन्न् भएको छ ।धनगढी को जलसा होटलमा सम्पन्न उक्त कार्यक्रम इसेवा एजेन्ट तथा मर्चेन्टहरूका लागि लक्षित गरीएको थियो ।
कार्यक्रममा इसेवाको तर्फबाट डिजिटल फाइनान्सीयल लिट्रेसी, ईन्भेष्टमेन्ट तथा फ्रडबाट कसरी जोगिने भन्ने बारेमा इसेवा धनगढी शाखाबाट सन्तोष राज भट्टले सहभागीहरुलाई प्रशिक्षण दिनुभएको थियो ।
जिएसएमएको तर्फबाट प्रतिनिधिले डिजिटल लिट्रेसी र त्यसमा इसेवा एजेन्ट्स र मर्चेन्टहरूको भूमिका कस्तो रहन्छ भन्ने कुराको जानकारी इसेवाका एजेन्टलाई गराएका थिए भने जिएसएमएका अधिकारिक प्रतिनिधि दिनानाथ भण्डारीले प्राकृतिक प्रकोपबाट कसरी बच्ने र त्यसमा इसेवा एजेन्ट्सको भूमिका कस्तो रहन्छ भन्ने कुराको प्रशिक्षण दिएका थिए ।
इसेवाले विभिन्न माध्यम मार्फत सुदुरपश्चिम प्रदेशमा कार्यक्रमहरु संचालन गर्दै आएको र आगामी दिनहरुमा पनि जनता माझ अझ शसक्त रुपमा लैजान धनगढी शाखा सदैब तत्पर रहेको धनगढी शाखा सिनियर असिस्टेन्ट सन्तोष राज भट्टले बताए ।
प्रशिक्षण कार्यक्रममा सुदुरपश्चिम प्रदेशका इसेवा एजेन्ट र मर्चेन्ट गरी कुल ४५ जनाको सहभागीता थियो । इसेवा नेपालकै अग्रणाी वालेट सेवा प्रदायक कम्पनी हो ।
