त्रिभुवन विश्वविद्यालय व्यवस्थापन संकाय अन्तर्गत सञ्चालित BIM कार्यक्रमलाई परिवर्तन गरी BITM(Bachelor of Information Technology Management) को रुपमा अगाडि बढाइने भएको छ । व्यवस्थापन संकाय अन्तर्गत सञ्चालन हुँदै आएको कार्यक्रममा समयानुसार केही परिवर्तन गर्दै यसै शैक्षिक सत्र २०८२०८३ देखि लागु हुने गरी यसको नाम BITM राखिएको हो ।
व्यवस्थापन संकाय अन्तर्गत राखिएको भएतापनि यसमा प्रत्येक सेमेष्टरमा व्यवस्थापन तथा आइटीका बराबर विषयहरु रहेका छन् । त्यसको अलावा विद्यार्थीहरुलाई कम्प्युटरका विभिन्न प्रयोगात्मक ज्ञान , सीप तथा प्रोजक्टमा आधारित शिक्षणसिकाइ पनि पाठ्यक्रमले निर्दिष्ट गरेको छ । साथै , अन्तिम वर्षमा विद्यार्थीहरुलाई प्रतिपर्धात्मक बजारको व्यवहारिक ज्ञान प्रदान गर्ने हेतुले इन्टर्नसीपको पनि व्यवस्था गरिएको छ । त्रि.वि. अन्तर्गत संचालित उक्त BITM कार्यक्रममा प्रति सेक्सन ३३ जना विद्यार्थी भर्ना लिन पाउने व्यवस्था समेत गरिेएको डिन कार्यालयले जनाएको छ ।
के हो BITM कार्यक्रम ?
BITM कार्यक्रम व्यवस्थापन संकाय अन्तर्गत सञ्चालित व्यवस्थापन तथा आइटी मिश्रित चार वर्षे स्नातक कार्यक्रम हो । परिमार्जित पाठ्यक्रम अनुसार यस कार्यक्रममा विश्वबजार सुहाउँदो आइटीका विषयहरु रहेका छन् । विभिन्न सेमेष्टरमा विद्यार्थीहरुले बढ्दो माग भएका आइटीका क्षेत्रहरु जस्तै प्रोग्रामिङ , डाटाबेस , नेटवर्किङ , एआई आदि विषयको रुपमा अध्ययन गर्न पाउनेछन् ।
प्रोजेक्ट , इन्टर्नसीप आदि पनि पाठ्यक्रममै समाविष्ट भएको कारण पनि यस कोर्षमा विद्यार्थीको बढ्दो आकर्षण रहेको छ । यो कोर्ष लिएपश्चात् आइटी तथा व्यवस्थापनका विभिन्न क्षेत्रमा जान सकिनेछ । यो कोर्षमा जुनसुकै संकायबाट पनि कक्षा १२ पास गरेका विद्यार्थीले भर्ना हुन सक्ने पनि डिन कार्यालयबाट जारी सूचनामा उल्लेख छ ।
