धनगढीस्थित एस.पी.ए कलेजले आज शुक्रबार कलेज वरिपरिका विभिन्न क्षेत्रमा सरसफाइ सम्पन्न गरेको छ ।
कलेजका कक्षा ११/१२ मा अध्ययनरत विद्यार्थीहरु उक्त सरसफाइ कार्यमा संलग्न भएका थिए । आफ्नो नगर आफै सफा राखौँ भन्ने अभिप्रायले एस.पी.ए कलेजले अतिरिक्त क्रियाकलाप अन्र्तगत यो सरसफाई कार्यक्रम आयोजना गरेको क्याम्पसले जनाएको छ ।
धनगढी उप महानगरपालिकाको हाम्रो धनगढी सफा धनगढी भन्ने नारालाई साथ दिदैँ बेला बेलामा यस्ता सरसफाई कार्यक्रम गर्ने गरेको कलेजका मा.वि. संयोजक रमेश प्रसाद जोशीले बताउनुभयो ।
उक्त कार्यक्रम अन्तर्गत कक्षा ११/१२ मा अध्ययनरत विद्यार्थीहरुले कलेजक्षेत्र वरिपरिका रहेका विभिन्न फोहरमैलाको सरसफाई गरेका छन् ।
