अशोक राई नेतृत्वको जनता समाजवादी पार्टीका कतिपय नेताहरू उपेन्द्र यादव नेतृत्वको जनता समाजवादी पार्टी नेपालमै फर्कने भएका छन्। 
नेता प्रदीप यादव र रेणु यादवसहित नेताहरू जसपा नेपाल फर्कन लागेका हुन्।
आफूहरू जसपा नेपालमै फर्कन लागेको नेता प्रदीप यादवले जानकारी दिए। ‘पार्टीका बहुमत सदस्यहरूसहित हामी ध्रुवीकरणमा लागेका छौं,’ उनले भने।
जनता समाजवादी पार्टीका अध्यक्ष अशोक राईले पनि केही नेताहरू जसपा नेपाल फर्किन लागेको बताए। ‘म जाने होइन, केही नेताहरू जान लागेका छन्,’ उनले भने।
उपेन्द्र यादव नेतृत्वको जसपा नेपाल र महन्थ ठाकुर नेतृत्वको लोसपा नेपालबीच पार्टी एकता गर्ने हिजो सहमति जुटेको थियो। त्यसपछि जनता समाजवादी पार्टीका कतिपय नेताहरू पनि यो एकतामा जान लागेका हुन्।
साथै जनता प्रगतिशील पार्टी पनि एकतामा जाने भएको छ। हृदयेश त्रिपाठी नेतृत्वको जनता प्रगतिशील पार्टी पनि जसपा नेपाल र लोसपा मिलेर बन्ने पार्टीमा सामेल हुने भएको हो।सेतोपाटी बाट साभार
