एसीसी यु-१६ पुरुष ईष्ट जोन कप विजेता नेपाल यु-१६ टोलीका दुई होनहार सदस्य, सुदूरपश्चिमका गौरव क्रिकेटर सचिन भट्ट र सुशील रावल ज्यू लाई एसपीए कलेजले सम्मान गरेको छ ।
आज क्याम्पसको सभाहलमा आयोजित एक कार्यक्रममा खेलाडी द्धयलाई जनही नगद रु. २५ हजार रुपैयाँसहित उक्त सम्मान गरिएको हो । यसै अवसरमा उनीहरुलाई क्याम्पसमा स्नातकोत्तरसम्म अध्ययनका लागि पनि छात्रवृत्ति प्रदान गर्ने घोषणा गरिएको छ ।
सम्मानित खेलाडीहरू हालै मलेसियामा सम्पन्न ‘एसीसी मेन्स यू-१६ ईस्ट जोन कप क्रिकेट प्रतियोगिता’मा सहभागी भई नेपाली यू-१६ राष्ट्रिय पुरुष क्रिकेट टोलीसँगै उपाधि जित्न सफल भएका थिए।
कार्यक्रममा खेलाडिहरुले विद्यार्थीहरुमाझ आफ्ना विविध खेल अनुभव पनि साटेका थिए ।
विभिन्न विधाका खेलाडिलाई हौसलास्वरुप सम्मान गर्ने परम्पराको निरन्तरता अन्तर्गत आज पनि सम्मान गर्न पाउँदा गर्वको अनुभूति भएको क्याम्पसले जनाएको छ ।
