धनगढी स्थित एक्सिस विद्याश्रणले लामो समयदेखी विद्यालयमा कार्यरत शिक्षकहरुको आन्तरिक श्रेणी बढुवा गरेको छ । बिद्यालयमा बिगत १० बर्षभन्दा लामो समय देखी अनवरत रुपमा शैक्षिक योगदान दिँदै आउनुभएका शिक्षकहरुलाई आर्थीक बर्ष २०८२र८३ देखी लागु हुने गरि बढुवा गरिएको हो । उंहाहरु कार्यरत श्रेणीबाट तहगत रुपमा द्वितीय श्रेणीमा बढुवा हुनुभएको हो ।
निजी विद्यालयले गरेको यस किसिमको कार्य प्रशंसनिय रहेको जनमानसको बुझाइ रहेको छ । बढुवा हुने शिक्षकहरुले आफूहरुले दशकभन्दा लामो समयदेखि विद्यालयलाई दिएको अमूल्य योगदान, समर्पण र निरन्तर मेहनतको कदर भएको जनाएका छन् ।
विद्यालयले गरेको कदरले आगामी दिनमा अझ ऊर्जा, उत्साह र प्रेरणासाथ शिक्षण यात्रामा लाग्न थप प्रेरणा मिलेको बढुवा भएका शिक्षकको भनाइ छ । बढुवा हुनेमा टिना रावल, मांया बिस्ट, नितु चौधरी, सुमन पन्त, मिनु ओझा ,पारस खत्री, केशबराज भट्ट, पुस्पराज ओझा , घनश्याम मलासी तथा तारा भट्ट रहेका छन् ।
