धनगढी स्थित एसपिए कलेजको क्याम्पस प्रमुखमा सोही क्याम्पसमा सह प्राध्यापकको रुपमा कार्यरत बुधराम चौधरी नियुक्त भएका छन् । केही समयदेखी रिक्त रहेको क्याम्पस प्रमुख पदमा आज क्याम्पसको सभाहलमा आयोजित विशेष कार्यक्रममा उक्त नियुक्ति गरिएको हो ।
नव नियुक्त क्याम्पस प्रमुख चौधरीलाई बधाई तथा शुभकामना दिँदै क्याम्पसका प्रबन्ध निर्देशक सुवास शाहीले लामो समय देखि क्याम्पसमा अध्यापनरत बुधराम सरलाई क्याम्पस प्रमुखको रुपमा नियुक्त गरिनु सही समयमा सही मानिसको छनौट रहेको बताउदैँ अब क्याम्पसले नयाँ शैक्षिक उचाइ लिने विश्वास व्यक्त गरे ।
उक्त अवसरमा बोल्दै क्याम्पस प्रमुख चौधरीले आफूले क्याम्पसको स्थापनादेखी नै कार्यरत संस्थामा आज प्रमुखको जिम्मेवारी दिइएकोमा क्याम्पस व्यवस्थापनलाई हार्दिक धन्यवाद दिँदै आफूले टिमवर्कमा विश्वास गर्ने र आफ्नो बुद्धि विवेकले भ्याएसम्म प्रतिबद्ध भएर क्याम्पसको शैक्षिक तथा समग्र उन्नयनमा लाग्ने प्रतिबद्धता व्यक्त गर्नुभयो ।
