काठमाडौँ । काठमाडौँ उपत्यका ट्राफिक प्रहरीले सवारी पास नभएका सवारी साधनलाई आवागमनमा रोक लगाएको छ । निर्वाचन सुरक्षाको कारण सवारी पास भएकाहरुलाई मात्र सञ्चालन गर्न दिइएको उपत्यका ट्राफिक प्रहरी कार्यालयका एसएसपी नवराज अधिकारीले रातोपाटीलाई बताए । 
निर्वाचन आचार संहिता विपरीत हिँडेका सवारी चालकको सवारी साधन ट्राफिक प्रहरीले होल्ड गरेको छ । एम्बुलेन्स, सुरक्षाकर्मी, सञ्चारकर्मी र अत्यावश्यक खाद्यान्न बोकेका सवारी साधनालाई चल्न दिइएको छ ।
त्रिभुवन अन्तर्राष्ट्रिय विमानस्थल आउने जानेलाई कारण देखाएको अवस्थामा सहजीकरण गरिएको एसएसपी अधिकारीले बताए । बिहीबार देशभर प्रतिनिधिसभा सदस्य निर्वाचन हुँदै छ । प्रतिनिधिसभातर्फ २ सय ७५ सिटमा निर्वाचन हुँदैछ । जसमा १६५ प्रत्यक्ष र १ सय १० सिट समानुपातिक निर्वाचन प्रणालीबाट प्रतिनिधिहरुको टुंगो लाग्नेछ ।
निर्वाचनको सुरक्षामा करिब ३ लाख ३४ हजार सुरक्षाकर्मी परिचालन गरिएको छ ।रातोपाटी बाट साभार
