“जनचेतना युवा समाज जाफ्रीको सान , खेलकुद मैदान बनाउने हाम्रो अभियान” भन्ने नाराका साथ गैरी क्रिकेट स्टेडियम जाफ्री बझाङमा जनचेतना कप २०८१ आयोजना हुने भएको छ । यही कार्तिक ७ देखि १४ गतेसम्म उक्त क्रिकेट प्रतियोगिता आयोजना हुन लागेको हो । बझाङ जिल्लाका युवा क्रिकेट खेलाडीको खेल विकास तथा समग्र बझाङ जिल्लाको क्रिकेट विकासका लागि आयोजना हुँदै आएको जनचेतना कप यो वर्ष तेस्रो संस्करणमा प्रवेश गरेको आयोजकले बताए ।
उक्त प्रतियोगितका लागि आयोजक दुर्थाथति जनचेतना युवा समाज जाफ्री , बझाङले विविध खर्च सहितको प्रस्तावना समेत सार्वजनिक गरेको छ । यसका साथै , उक्त क्रिकेट प्रतियोगितामा विभिन्न रुपमा खेल प्रायोजन गरी सहयोग गर्ने चाहने दाताहरुका लागि पनि विभिन्न शिर्षकहरु तोकिएको आयोजकले जनाएको छ ।
यस्ता प्रतियोगिताबाट क्रिकेट खेलको गुणस्तरमा विकास , ग्रामिण स्तरका खेलाडिहरुको पहिचान तथा प्रोत्साहन हुने , स्थानिय सरोकारवालाको खेलप्रतिको अपनत्व विकास हुने लगायतका उपलब्धि हासिल गर्ने उद्देश्य आयोजकको रहेको छ ।
