सुदूर पश्चिम प्रदेशको अग्रणी शैक्षिक संस्थाको रुपमा रहेको एसपिए कलेजले भोलि शुक्रबार एसईई परीक्षामा दिएका विद्यार्थीहरुलाई निशुल्क शैक्षिक परामर्श कार्यक्रम आयोजना गर्ने भएको छ ।
अहिलेको पुस्ताले उचित मार्ग निर्देशनको अभावमा आफ्नो शैक्षिक भविष्यलाई सही दिशा दिन नसकिरहेको परिप्रेक्ष्यमा क्याम्पसले उक्त विशाल सत्रको आयोजना गर्न लागेको हो ।
एसईई परीक्षा सकेर नतिजाको पर्खाइमा रहेका धनगढी तथा आसपासका क्षेत्रबाट भोलिको सत्रमा विद्यार्थीहरुको उत्साहजनक सहभागिता रहने क्याम्पसका सहायक क्याम्पस प्रमुख रघुनाथ जोशीले बताउनु भयो ।
उक्त सत्रको प्रमुख आकर्षण तथा वक्ताको रुपमा राष्टिय रुपमा ख्यातिप्राप्त कमेडियन , कलाकार , टिभी प्रस्तोता एवम् प्रेरणादायक वक्ता सन्दीप क्षेत्री रहनेछन् । देश तथा विदेशमा विभिन्न रुपमा आफ्नो प्रेरक प्रस्तुती दिइसक्नु भएका क्षेत्री आफैमा एक बहुमुखी प्रतिभा हुन् ।
धनगढीस्थित ओम प्यालेसको सभाहलमा यही जेठ ३० गते शुक्रबार बिहान आठ बजेबाट उक्त कार्यक्रम सञ्चालन गरिने क्याम्पसले जनाएको छ । एसईई दिएर बसेका सबै विद्यार्थीले निशुल्क रुपमा उक्त महत्वपुर्ण सत्रमा आफ्नो सहभागिता जनाउन सक्नेछन् ।
यसले विद्यार्थीहरुलाई एसईई परीक्षापछि उच्च शैक्षिक यात्रा एवम् गन्तव्य तय गर्न टेवा पुग्ने लक्ष्य आयोजकको रहेको छ ।
