सुदूरपश्चिम विश्वविद्यालयको विज्ञान संकाय (B.Sc.) आठौँ सेमेस्टरमा कैलाली बहुमुखी क्याम्पसका पाँच जना विद्यार्थीले समग्र ४.०० जिपिए ल्याउँदै विश्वविद्यालयभरि नै सर्वोत्कृष्ट नतिजा हासिल गरेका छन्।
स्नातक तहको विज्ञान संकाय आठौँ सेमेष्टरको बुधबार प्रकाशित नतिजामा कैलाली बहुमुखी क्याम्पसमा भौतिक शास्त्रबाट विद्यार्थीहरु सुवास गिरी, विनोद साउद, निराजन चौधरी, र अभिषेक जोशी तथा जीव विज्ञानबाट भुमिका चौधरीले समग्रमा समान ४.०० जीपिए प्राप्त गरेका हुन्।
त्यस्तै वनस्पति बिज्ञानमा ३.५१ जीपिए सहित आरति भट्टले उकृष्ट स्थान हाँसिल गरेको कैलाली बहुमुखी क्याम्पसको विज्ञान संकायकी विभागीय प्रमुख डा।रमा देवि जोशीले बताईन। प्राध्यापक र विद्यार्थीहरुको कडा परिश्रमबाट उत्कृष्ट नतिजा हाँसिल गर्न सफल भएको उनले बताईन।
क्याम्पसले विद्यार्थीहरुको यस किसिमको उत्कृष्ट नतिजाले क्याम्पस परवारलाई हर्षित बनाएको जनाएको छ।
उत्कृष्ट विद्यार्थीहरुलाई बधाई दिदैँ आगामी दिनमा पनि विद्यार्थीहरुबाट यस्तै किसिमको नतिजाको अपेक्षा रहेको उनले बताए। सुदूरपश्चिम विश्वविद्यालयमा गईसकेपछि स्नातक तह पुरा गर्ने यो पहिलो व्याच हो।
