कोड फर चेन्ज नेपालले कोडफेष्ट २०२४ का लागि पूर्व घोषित मितिको दर्ता कार्य तथा कार्यक्रमको रुपरेखामा व्यापक हेरफेर गरेको छ । सेप्टेम्बर १७ अन्तिम मिति तोकिएकोमा हाल उक्त दर्ता मिति २०२४ नोभेम्वर १० सम्म राखिएको छ । कोडिङमा आकर्षित विद्यार्थीहरुको बृहत सहभागिता तथा पहिले नै दर्ता भैसकेका १७१ टिम लगायतलाई अधिकतम फाइदा पुग्ने गरी सो दर्ता अवधी तोकिएको आयोजकले जनाएको छ ।
दर्ता शुल्क रु. ५००० तोकिएको भएता पनि क्याम्पसमा अध्ययनतर विद्यार्थीहरुलाई प्रोत्साहन गर्ने उद्देश्यले विशेष छुटको व्यवस्था समेत गरिएको छ । जसमा कुनै एउटै क्याम्पसबाट तीन ओटा टिम दर्ता भएमा जम्मा दुई ओटा टिमले मात्र दर्ता शुल्क बुझाउनु पर्नेछ । विविध जानकारी , क्याम्पियनमार्फत आईटी विज्ञद्धारा विविध आईटी अभिमुखीकरण , प्रदेश अनुरुपको उत्कृष्ट टिम छनौट , भोटमार्फत अर्वाड , फाइनल विजेतालाई नगद रु. ७ लाख साथै विभिन्न गिफ्ट ह्याम्परहरु यस कोडफेष्टका मुख्य आकर्षण रहेका छन् ।
यस्तो छ कोडफेष्ट २०२४ कार्यक्रमको रुपरेखा
१) विविध माध्यमबाट कोडफेष्ट २०२४ को विस्तृत जानकारी (सेप्टेम्बर २२ देखि अक्टुवर २ सम्म)
२) फेष्टिभ क्याम्पियन (अक्टुवर ३ देखी नोभेम्वर १० सम्म)
३) आइडियाथोन (नोभेम्वर १७ देखी नोभेम्वर २४ सम्म)
४) भोट अपिल तथा कजेज भ्रमण (नोमेभ्वर २५ देखी डिसेम्वर १० सम्म)
५) ग्रान्ड फिनाले (डिसेम्वर १३ देखी डिसेम्वर १५ सम्म)
यी परिमार्जित तालिका अनुसारका कार्यकलाप एकदमै परिष्कृत तथा सातै प्रदेशका नवप्रर्वतकलाई समेट्ने गरि रेखांकन गरिएको आयोजकको दाबी छ । आफ्नो सिर्जनशीलता प्रदर्शन गर्ने एक महत्वपूर्ण थलोका रुपमा सहभागी तथा प्रयोजकहरुले यस कोडफेष्टलाई पाउनेछन् । तसर्थ , समयमै आफ्नो टिम दर्ता गरी सहभागी गर्न गराउन हरेक टिम तथा क्याम्पसलाई कोड फर चेन्ज नेपाल हार्दिक अनुरोध समेत गर्दछ ।
