Day: November 19, 2024

धनगढीः कैलालीमा बस दुर्घटना हुँदा चालकको मृत्यु भएको छ। हिजो (सोमबार) बझाङको दुर्गाथली गाउँपालिका–५ भलान्याका २५ वर्षीय मोहन जप्रेलको बस दुर्घटनामा मृत्यु भएको हो। इलाका प्रहरी कार्यालय मालाखेतीका प्रहरी नायव उपरीक्षक गंगाबहादुर थापाका अनुसार गोदावरी नगरपालिका–४ वनदेवी नजिकै सुदूरपश्चिम प्रदेश ०१–००१ ख ३२२८ नम्बरको बस अनियन्त्रित भएर दुर्घटना भएको हो। दुर्घटनामा बस चालक नै घाइते भएका थिए। घाइते चालकको सेती प्रादेशिक अस्पतालमा उपचारको क्रममा मृत्यु भएको डिएसपी थापाले बताए।दिनेश खबर बाट शाभार

डोटीः मृतक युवकका परिवारलाई क्षतिपुर्ति दिने सहमतिपछि अबरुद्ध केआइसिंह राजमार्ग खुलेको छ। मृतकका परिवारलाई क्षतिपुर्ति दिने सहमतिपछि अबरुद्ध गरिएको राजमार्ग सुचारु भएको हो। सोमबार रातिदेखि अवरुद्ध राजमार्ग मंलगबार मध्यान्ह १२ बजेदेखि सूचारु भएको छ। जिल्ला प्रहरी कार्यालय डोटीका प्रहरी निरीक्षक सन्दिप शाहका अनुसार पीडित परिवारलाई क्षतिपुर्ति दिने सहमतिपछि राजमार्ग खुलेको हो। जिल्लाको दिपायल–सिलगढी नगरपालिका–१ मा मृतकका आफन्तले सडक अवरुद्ध पारेका थिए। शनिबार शिखर नगरपालिका–८ स्थित भीमदत्त राजमार्गमा डडेल्धुराबाट दिपायलतर्फ आउँदै गरेको बोलेरो जिपले सुदूरपश्चिम प्रदेश ०३००१ प ०६६८ नम्बरको मोटरसाइकललाई ठक्कर दिँदा मोटरसाइकल पछाडी सवार दिपायल–सिलगढी गरपालिका–१ सिर्खोलीका ३२ वर्षीय लोकेन्द्र साउँदको मृत्यु भएको थियो। सो जिप भरत सिंहले चलाएका थिए।…