धनगढीस्थित एसपिए कलेजमा आज बाट खेल सप्ताह २०८२ प्रारम्भ भएको छ ।
कलेजको २७ औँ वार्षिकउत्सवको पूर्व सन्ध्यामा अतिरिक्त क्रियाकलाप अन्तर्गत उक्त खेल सप्ताह सुरु गरिएको क्याम्पसका क्याम्पस प्रमुख बुधराम चौधरीले बताए । आज एक कार्यक्रमवीच क्याम्पस परिसरमा उक्त खेल सप्ताहको उद्घाटन गरिएको छ ।
स्नातक तथा मा.वि. तहका विद्यार्थीहरु आफ्नो रुची र कौशल अनुसार विभिन्न विधागत प्रतियोगिताहरुमा सहभागी हुने मा.वि. संयोजक रमेश जोशीले जानकारी गराए । खेल सप्ताह आजबाट सुरु भइ माघ २९ गतेसम्म चल्नेछ , जस अन्तर्गत निबन्ध लेखन , हाजिरीजवाफ , कविता , गजल प्रतियोगितामा विद्यार्थीहरुले सहभागिता जनाउनेछन् ।
त्यस्तै , फुटबल , भलिबल , क्रिकेट , बास्केटबल , ब्याटमिन्टन लगायतका खेल पनि समावेश गरिएको छ । विजेता विद्यार्थीहरुलाई क्याम्पसको वार्षिक उत्सवको अवसर पारेर पुरस्कार , मेडल तथा प्रमाणपत्र प्रदान गरिने छ ।
