codart

R.A.N पब्लिक स्कुल , रुद्रपुर , भारतद्धारा आयोजना गरिएको दक्षिण एसिया कोडआर्ट २४ फेष्ट अन्तर्गत Robo Car War प्रतियोगितामा कैलालीका ३ स्कुलले विभिन्न विजयी स्थान हात पारेका छन् । अगस्त १२ तारिखका दिन आयोजित उक्त प्रतियोगितामा नेपालबाट ४ तथा भारतको उद्यमसिंह नगर जिल्लाका ९ स्कुलको सहभागिता रहेको थियो । रोबो कार वारमा अत्तरियाको सत्यवती एकेडेमीले प्रथम , धनगढीको ग्ली एकेडेमीले दोस्रो तथा अत्तरियाकै जनकल्याण स्कुलले चौथो स्थान हासिल गरेका हुन् । सो प्रतियोगिताको लागि निर्णायकको रुपमा जि.बि.पन्त विश्वविद्यालयका प्राध्यापकहरु रहेका थिए । विजेताहरुलाई नगद पुरस्कार , ट्रफी र प्रमाणपत्र प्रदान गरिएको थियो ।