Day: September 13, 2025

२८ भदौ, काठमाडौं । प्रधानमन्त्री सुशीला कार्की नेतृत्वको मन्त्रिपरिषद्‌ विस्तारका लागि आन्तरिक छलफल भइरहेको छ । आज छलफलमार्फत् नामावली टुंगो लगाउने र आइतबार मन्त्रिपरिषद्‌ विस्तार गर्ने स्रोतले जनाएको छ । मन्त्रिपरिषद्‌ विस्तारको तयारीका लागि प्रधानमन्त्री कार्की आफ्ना सहयोगीहरूसँग छलफलमा छिन् । पूर्वप्रधानन्यायाधीश कार्की शुक्रबार अन्तरिम सरकारको प्रधानमन्त्री पदमा नियुक्त भएकी थिइन् ।अन्लाईन खबर बाट साभार

काठमाडौं । नवनियुक्त प्रधानमन्त्री सुशीला कार्कीले पदबहालीको केही घण्टामै आफ्नो पहिलो निर्णयस्वरूप प्रतिनिधिसभा विघटन गरेकी छन् । शुक्रबार साँझ शीतल निवासमा राष्ट्रपति रामचन्द्र पौडेलबाट पद तथा गोपनीयताको शपथ लिएपछि बसेको पहिलो मन्त्रिपरिषद् बैठकबाटै संसद् विघटनको निर्णय गरिएको हो । यस्तै, प्रतिनिधि सभा विघटन गर्दै फागुन २१ गतेको लागि प्रतिनिधि सभाको नयाँ निर्वाचन मिति तय गरिएको छ । हालसम्म मन्त्रिपरिषद् विस्तार नभएकाले बैठकमा प्रधानमन्त्री कार्की एक्लै उपस्थित थिइन् । संविधानअनुसार अन्तरिम सरकार प्रमुखका रूपमा उनले संसद् विघटनको सिफारिस राष्ट्रपतिसमक्ष पेश गरेकी थिइन्, जसलाई राष्ट्रपति पौडेलले स्वीकृति दिँदै हस्ताक्षर गरिसकेको जानकारी प्राप्त भएको छ । प्रधानमन्त्री कार्कीले भनिन्, ‘भर्खरै आएका छौँ । अब…

भदौ २४ गते प्रदर्शन क्रममा सार्वजनिक सम्पत्तिदेखि विभिन्न व्यावसायिक भवन, होटल, घरमा आगजनी भए। यी घटनाबाट अर्बौंको क्षति पुगेको आकलन छ। तर नेपालमा सार्वजनिक सम्पत्तिको बीमा हुन सकेको छैन। धेरै समय अघिदेखि सार्वजनिक सम्पत्तिको पनि बीमा गर्नुपर्छ भन्ने कुरा उठिरहे पनि सरकारी उदासीनताका कारण अहिलेसम्म हुन नसकेको हो। त्यसैले सार्वजनिक सम्पत्तिमा जे जति क्षति भयो, त्यसको भरपाइ हुँदैन। अब निजी सम्पत्तिको कुरा गरौं  काठमाडौंसहित देशभरका जिल्लामा धेरै निजी सम्पत्ति क्षति भएको छ। ठूला व्यवसायहरू भाटभटेनी सुपरस्टोर, हिल्टन होटल, चौधरीको समूहको उद्योग, लोत्से मल, गाडीका शोरूमहरूदेखि व्यवसायीहरू विनोद चौधरी, शेखर गोल्छा, ध्रुव थापा लगायत व्यवसायीको कार्यालय, घर, सवारी साधनहरूमा क्षति भएको छ। यसबाहेक देशभर मध्यमस्तरका पनि थुप्रै व्यवसायमा क्षति…

धनगढीः सुदूरपश्चिमका जनप्रतिनिधिले राजीनामा दिन ज्ञात र अज्ञात व्यक्ति वा समूहहरूबाट धम्की आउने घटनाहरू भइरहेकाले सेवा प्रवाह गर्ने वातावरण बनाउन माग गरेका छन्। गाउँपालिका राष्ट्रिय महासङ्घ सुदूरपश्चिम अध्यक्ष लोकेन्द्र बहादुर शाही,  नेपाल नगरपालिका सङ्घ सुदूरपश्चिम संयोजक वीरेन्द्र भट्ट, र जिल्ला समन्वय समिति महासङ्घ सुदूरपश्चिम संयोजक गगन भण्डारीद्वारा जारी संयुक्त विज्ञप्तिमा स्थानीय सरकारका सम्पत्ति तथा दस्ताबेजहरूको सुरक्षा गर्न, सबै नागरिक तथा जनप्रतिनिधिहरूको जिउ ज्यान, निजी सम्पत्ति तथा उद्योग व्यवसायको सुरक्षाको प्रत्याभूति दिलाउँदै निर्बाध रूपमा सेवा प्रवाह गर्ने वातावरण बनाउन माग गरेका हुन। विज्ञापन शुक्रवार जारी विज्ञप्तिमा जेन जी पुस्ताका युवाहरूको आन्दोलनका क्रममा भएको जनधनको क्षतिप्रति सम्पूर्ण स्थानीय सरकारहरू अत्यन्त दुखित भएको उल्लेख…