Day: February 17, 2026

काठमाडौँ : नेपाल कम्युनिष्ट पार्टी (संयुक्त)का अध्यक्ष चन्द्रदेव जोशीले मुलुकको कम्युनिष्ट आन्दोलन गम्भीर संकटमा परेको भन्दै चिन्ता व्यक्त गरेका छन्। मंगलवार दलको घोषणापत्र सार्वजनिक गर्दै उनले यस्तो बताएका हुन्। उनले वर्तमान राजनीतिक दलहरू केवल सत्ता र भागबण्डामा लिप्त भएको आरोप लगाउँदै इमान्दार र ‘घुस नखाने’हरूको नयाँ राजनीतिक शक्ति निर्माणको घोषणा गरे। अध्यक्ष जोशीले विश्वव्यापी रूपमा घोषणापत्र जारी गर्ने प्रचलन भए पनि नेपालमा सत्तामा पुगेका दलहरूले आफ्ना प्रतिबद्धता र व्यवहारबीच कुनै तालमेल नराखेको टिप्पणी गरे। दीर्घकालीन लक्ष्यहरू पाँच वर्षमा पूरा नभए पनि सत्तामा पुगेको दिनदेखि नै सही दिशामा अघि बढ्नुपर्नेमा त्यसो हुन नसकेको उनले औंल्याए। नेपाली राजनीतिमा मौलाएको ‘भागबण्डा’को संस्कृतिले देशलाई…

५ फागुन, मुम्बई । आईसीसी टी-२० विश्वकप २०२६ को समूह चरणबाटै बाहिरिसकेको नेपालले आफ्नो अन्तिम खेलमा आज स्कटल्यान्डसँग प्रतिस्पर्धा गर्दैछ । खेल बेलुका सवा ७ बजेदेखि मुम्बईको वानखेडे स्टेडियममा सुरु हुनेछ । नेपाललाई आजको खेलमा सान्त्वना जित निकाल्दै प्रतियोगिताको सुखद अन्त्य गर्ने मौका समेत छ । यस खेलका लागि नेपाली समर्थकहरू करिब ४ घण्टा अघि देखिनै वानखेडेबाहिर मरिन ड्राइभमा जम्मा भइसकेका थिए । मुम्बईमै रहेका नेपाली तथा नेपालबाट आएका समर्थकहरू खेल हेर्न उपस्थित भएका हुन् ।अन्लाईन बाट साभार

काठमाडौंमा एक जना पैदलयात्रीलाई कुटपिट गर्ने कार चालकलाई प्रहरीले पक्राउ गरेको छ। काठमाडौं उपत्यका ट्राफिक प्रहरी कार्यालयका प्रवक्ता एसपी नरेशराज सुवेदीले मंगलबार नै ती व्यक्तिलाई पक्राउ गरी जिल्ला प्रहरी परिसर काठमाडौंमा बुझाइएको जानकारी दिए। पक्राउ पर्नेमा पुर्ख्यौली घर बैतडी भई हाल काठमाडौंको बालुवाटार बस्ने ४२ वर्षका पारस बम छन्। 'उहाँलाई नियन्त्रणमा लिएर आजै प्रहरीमा बुझाएका छौं,' एसपी सुवेदीले भने। उनका अनुसार उक्त घटना नारायणगोपाल चोक क्षेत्रको हो। गाडी रोकिएको समयमा एक जना पैदलयात्री बीच सडकमा हिँडेको अवस्थामा बमले कारबाट झरेर उनीमाथि कुटपिट गरेका थिए। उक्त भिडिओ सामाजिक सञ्जालमा भाइरल भएको थियो। त्यस विषयमा थप अनुसन्धान परिसरबाटै हुने एसपी सुवेदीले बताए। सेतोपाटी बाट साभार

झापा । नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीले झापा क्षेत्र नम्बर ५ लाई केन्द्रित गरी ४२ बुँदे प्रतिबद्धता पत्र सार्वजनिक गरेका छन् । मंगलबार सार्वजनिक प्रतिबद्धता पत्रमा मुख्य चार क्षेत्र छनोट गरिएको छ । जसमा सुशासनको क्षेत्र, भ्रष्टाचार नियन्त्रण, राष्ट्र, राष्ट्रियताको सवाल र पूर्वाधार लगायतका क्षेत्रको विषय समेटिएको छ । झापा क्षेत्र नम्बर ५ मा प्रतिनिधि सभा सदस्य उम्मेदवार रहेका एमाले अध्यक्ष ओलीको प्रतिबद्धता पत्रमा स्पष्ट कार्यदिशाको अभाव रहेका पार्टीहरू जनताबाट अलोकप्रिय बन्दै एक्लिँदै, खण्डित हुँदै गइरहेको उल्लेख छ । ओलीको प्रतिबद्धता पत्रमा राजनैतिक दलहरूमा देखिएको दोहोरो चरित्रका कारण केही स्टन्टबाजी र पपुलिस्टहरूले परिस्थितिको फाइदा लिन थालेको पनि…

करिब १६ वर्ष अघिको कुरा हो। डिसेम्बर १ तारिख, अर्थात् विश्व एड्स दिवस थियो। रेडियो मकवानपुर सुन्दै आमालाई भान्सामा सघाउँदै थिए विश्वराज अधिकारी। हेटौंडाका उनी आफै त्यति बेला रेडियो मकवानपुरमा 'देखे जस्तो होइन जीवन' कार्यक्रम चलाउँथे। त्यसैले जहाँ बसे पनि रेडियो सुन्ने बानी थियो। रेडियो सुनिरहँदा उनले पहिलो पटक यौनिक तथा लैंगिक अल्पसंख्यक समुदायबारे सुने। त्यस दिन एड्सको विषयमा कुरा हुँदै गर्दा उक्त समुदायको नाम जोडिएको उनलाई आज पनि याद छ। त्यसपछि उनलाई यो समुदायबारे जान्ने रहर भयो। त्यो बेला अहिलेजस्तो जताततै इन्टरनेट थिएन। उनको कार्यालय र साइबर क्याफेमा मात्र चलाउन पाइन्थ्यो। त्यसैले अर्को दिन कार्यालय पुगेर उनले गुगलमा खोजे। 'महिला–पुरूषभन्दा फरक देखिने, फरक…

इरानसँग परमाणु कार्यक्रमबारे वार्तामा अमरिकी राष्ट्रपति डोनाल्ड ट्रम्प पनि सहभागी हुने भएका छन्। मंगलबार स्वीट्जरल्याण्डको जेनेभामा अमेरिका र इरानबीच दोस्रो चरणको वार्ता हुँदैछ। वार्ताका लागि अमेरिकाबाट राष्ट्रपति ट्रम्पका मध्यपूर्व हेर्ने विशेष दूत स्टिभ विटकोफ र ट्रम्पकै ज्वाँइ ज्यारेड कुश्नर सहभागी हुनेछन्। वार्ताकै लागि इरानका विदेशमन्त्री अब्बास अराक्ची सोमबार नै जेनेभा पुगिसकेका छन्। दुई देशबीचको उच्चस्तरीय वार्तामा अमेरिकी राष्ट्रपति ट्रम्पले आफू पनि अप्रत्यक्ष रूपमा सहभागी हुने बताएका हुन्। सोमबार एयरफोर्स वानमा पत्रकारहरूसँगको कुराकानीमा ट्रम्पले आफू सो वार्तामा अप्रत्यक्ष रूपमा सहभागी हुन लागेको बताएका हुन्। 'वार्ता अत्यन्त महत्त्वपूर्ण रहनेछ। त्यसकारण अप्रत्यक्ष रूपमा मेरो संलग्नता पनि हुनेछ,' ट्रम्पले पत्रकारहरूसँग भने। ट्रम्पले पछिल्लो समय…

काठमाडौँ । २०७४ को स्थानीय चुनावमा विवेकशील नेपालीबाट काठमाडौँको मेयरको उम्मेदवार बनेकी रञ्जु दर्शना यो पटकको चुनावमा काठमाडौँ क्षेत्र नं १ बाट राष्ट्रिय स्वतन्त्र पार्टीको उम्मेदवार बनेकी छिन् । १७ वर्षकै उमेरमा राजनीतिमा लागेकी रञ्जु निर्वाचन आएसंगै चुनावी प्रचारमा लागेकी छिन् । ९ महिनाको गर्भवती भए पनि उनले आफ्नो चुनावी प्रचार प्रसार रोकेकी छैनन् । सोमबारदेखि निर्वाचन आयोगले १५ दिनको लागि प्रचार प्रसार गर्न पाउने समयसीमा तोकिदिएपछि उनी आफ्नो श्रीमानको साथमा प्रचार प्रसारमा निस्केकी छिन् । काठमाडौँ क्षेत्र नम्बर १ मा पर्ने कामनापाका १०, ११, २९ र ३१ वडा सम्मिलित यो क्षेत्रमा २३ हजार २३७ पुरुष र २५ हजार २५२…

५ फागुन, काठमाडौं । विद्यार्थी आन्दोलनको १६ महिनापछि बंगलादेशले आज (मंगलबार) जननिर्वाचित सरकार पाउने भएको छ । बंगलादेश नेशनलिस्ट पार्टी (बीएनपी) का अध्यक्ष तारिक रहमान बंगलादेशमा प्रधानमन्त्री नियुक्त हुँदैछन् । नोवेल पुरस्कार विजेता मोहम्मद युनुस नेतृत्तको अन्तरिम सरकार १६ महिना पछि निर्वाचित सरकारलाई सत्ता सुम्पिदै छ । अन्तरिम सरकारका मुख्य सल्लाहकार युनुसले सोमवार राति आफ्नो विदाई भाषणमा पद छोड्ने घोषणा गरेका थिए । १२ फेब्रुअरी मा भएको आमनिर्वाचनमा बीएनपी गठबन्धनले २१२ सिट जितेर दुईतिहाइ बहुमत हासिल गरेको थियो । यस्तै जमात–ए–इस्लामी गठबन्धनले ७७ सिट जितेको छ । बंगलादेश नेशनलिस्ट पार्टी (बीएनपी) ले प्रधानमन्त्रीका रूपमा अध्यक्ष तारिक रहमानले शपथ लिने बताएको…

५ फागुन, बुटवल । नेकपा बहुमतले आह्वान गरेको नेपाल बन्दको क्रममा  भैरहवाको लुम्बिनी गेट नजिकै शंकास्पद वस्तु फेला परेको छ । बोराभित्र राखिएको र बाहिर कागजमा नेपाल बन्द सफल पारौं लेखेको हुँदा शंकास्पद वस्तु देखिएपछि केही समय उक्त सडक खण्डमा सवारी आवागमन बन्द भएको थियो । नेपाली सेनाको टोली आएर डिस्पोज गर्दा  क्यान बियरको बोतलभित्र माटो र ढुङ्गा राखेर सर्वसाधारणलाई तर्साउन खोजिएको पाइएको रुपन्देही प्रहरीले बताएको छ । फागुन २१ को चुनाव बहिष्कारको आह्वान गर्दै नेपाल बन्द गरिएको सो पार्टीले जनाएको छ । बन्द आह्वान का कारण जिल्लाका शिक्षण संस्थाहरु बन्द भएका छन् । सवारी साधन चलेका छैनन् भने बजार…