27
Feb
काठमाडौं । देशभरका उम्मेदवारहरू यतिबेला मतदाताको घरदैलोमा छन् । उनीहरू दिउँसोभन्दा बढी बिहान र साँझको समयमा मतदाता भेट्न पुग्छन् । चुनाव नजिकिएसँगै नेताले मतदातालाई हात जोडेर नमस्कार गरिरहने र मतदाताले घरको छत वा बार्दलीबाट हात हल्लाउने दैनिकजस्तै बनेको छ । सामान्य अवस्थामा नेतालाई मतदाताले नमस्कार गर्ने चलन भए पनि चुनावी माहोलमा भने परिस्थिति ठिक उल्टो छ । यतिबेला नेताहरू मतदातालाई हात जोडेर नमस्कार गरिरहेका छन् । सहरी क्षेत्रमा चुनावी घरदैलोको दृश्य अझ रमाइलो छ । सधैँ स्टेज वा उच्च आसनमा बस्ने नेता–कार्यकर्ताहरू मतदाताको घरमुनि सडकबाट नमस्कार गर्दै हिँड्छन् भने मतदाताहरू घरको छत वा बार्दलीबाट हात हल्लाउँदै नेताको आसनमा देखिन्छन् ।…
