कञ्चनपुरः बाघको आक्रमणबाट ज्यान गुमाएकी कञ्चनपुरकी हिरा शाहको परिवारलाई सहयोग गरिएको छ।
दोधराचाँदनी नगरपालिकामा बाघको आक्रमणबाट ज्यान गुमाएकी शाहको परिवारलाई हिमालयन मध्यवर्ती उपभोक्ता समितिले किरिया खर्च स्वरुप आर्थिक सहयोग गरेको हो। समितिले बाघको आक्रमणबाट ज्यान गुमाएकी दोधारा चाँदनी–२ की २६ वर्षीया शाहको परिवारलाई किरिया खर्चस्वरुप १ लाख रुपैयाँ हस्तान्तरण गरेको जनाएको छ।
राहत उपलब्ध गराउने कोषबाट काजकिरिया खर्चबापत एक लाख रुपैयाँ पीडित परिवारलाई हस्तान्तरण गरिएको समितिले जनाएको छ। गत बिहीवार बिहान घाँस काटिरहेकी शाहको बाघले आक्रमण गर्दा ज्यान गएको थियो। दोधराचाँदनी नगरपालिकाले यसअघि घटना घटेको दोस्रो दिन किरिया खर्च स्वरुप ५० हजार रुपैयाँ सहयोग गरेको थियो।
