Day: October 1, 2024

धादिङ : सुख्खा पहिरोका कारण अवरुद्ध पृथ्वी राजमार्ग करिब पाँच घण्टापछि एकातर्फी खुलेको छ। पृथ्वी राजमार्गअन्तर्गत गजुरी गाउँपालिका–२ मा पर्ने परेवा भिरमा खसेको पहिरोका कारण सोमबार साँझ करिब साढे सात बजे सुख्खा पहिरो खस्दा सडक अवरुद्ध भएको थियो। जसले गर्दा राजधानीबाट बाहिरिएका र राजधानी प्रवेशका लागी आएका सयौँ सवारीका साधनहरूमा यात्रा गर्ने हजारौँ यात्रु सडकमा नै रोकिएको थियो। इलाका प्रहरी कार्यालय गजुरीसहितको टोलीले गजुरी गाउँलेकाको जेसिभी डोजरको सहयोगमा पाँच घण्टा पछि सडक एकातर्फ खुलाउन सफल भएको हो। पर्व नजिकिँदै गर्दा राजमार्गमा सवारी चाप बढेको छ तर बिग्रिएको सडकमा यात्रा गर्न निकै जोखिम भएकोले थप समस्या आएको छ। इलाका प्रहरी गजुरीका प्रमुख…

१४ असोज, काभ्रे । बिहीबार साँझदेखि परेको अविरल वर्षाका कारण सयौं यात्रु बीपी राजमार्गमा अलपत्र परे । शनिबारसम्म कुर्दा पनि गाडी अगाडि बढेन, बरु पहिरो र रोशी खोलामा आएको बाढीले न अगाडि बढ्न सक्ने अवस्था रह्यो, न फर्किन सके । रोशी खोलामा आएको बाढीले पनौतीदेखि कुशेश्वर दुम्जासम्म ठूलो क्षति भएको छ । नदी किनार आसपासमा बसेका बस्तीहरु बगाएको छ । बीपी राजमार्गमा ठूलो क्षति भएको छ । काभ्रे भञ्ज्याङदेखि भकुन्डेसम्म घुम्तिबिच्छे पहिरो खसेको छ, रुख लडेको छ । सोमबार डोजरको सहयोगले सडकमाथि थुप्रिएको माटो ढुंगो पन्छाएर भकुन्डेबेसीसम्म एकतर्फी रुपमा सडक खुलाइएको छ । तर थुप्रै ठाउँमा सडकमा चिरा परेको छ…