Day: August 22, 2025

धनगढी: धनगढीस्थित प्रादेशिक आयुर्वेद चिकित्सालयमा स्वर्ण प्राशन उत्पादन हुन थालेको छ। सुन, मह घ्यू तथा अन्य आयुर्वेदिक औषधीय लवण मिश्रित स्वर्ण प्राशन चिकित्सालयमा कार्यरत चिकित्सकले तयार गर्न थालेका हुन्। काश्यप संहितामा वर्णित विधिअनुसार स्वर्ण प्राशन तयार गरिन्छ। स्वर्ण प्राशन खुवाउँदा बालबालिकाको रोगसँग लड्ने क्षमता बढ्छ। बालबालिकाको र शारीरिक र मानसिक विकासका लागि स्वर्ण प्राशन खुवाउनुपर्ने चिकित्सालयका मेसु रामकामेश्वर ठाकुरले बताए। "काश्यप संहितामा उल्लेख विधि र प्रक्रियाअनुसार स्वर्ण प्राशन तयार गरेर निःशुल्क खुवाउन थालेका छौँ। हरेक महिना पुष्य नक्षत्र परेको दिन पाँच वर्षमुनिका बालबालिकालाई प्रादेशिक आयुर्वेद चिकित्सालयमा स्वर्ण प्राशन खुवाउने छौँ", मेसु डाक्टर ठाकुरले भने। विज्ञापन स्वर्ण प्राशन बहुउपयोगी औषधी हो भएको…

सरकारमा सहभागी नाउपाले फिर्ता लिएको थियो समर्थन प्रधानमन्त्री केपी शर्मा ओलीले विश्वासको मत नलिएपछि सरकार अल्पमतमा परेको भन्दै दायर भएको रिटमा सर्वोच्च अदालतले छलफल गर्न दुवै पक्षलाई बोलाएको छ। शुक्रबार न्यायाधीश सुनिलकुमार पोखरेलको इजलासले दुवै पक्षलाई अन्तरिम आदेश जारी गर्न किन नपर्ने भन्ने विषयमा छलफल गर्न बोलाएको हो। सर्वोच्चका सूचना अधिकारी निराजन पाण्डेका अनुसार दुवै पक्षले भदौ ११ गते छलफल गर्नेछन्। त्यस्तै विपक्षीहरू ओली, प्रधानमन्त्री तथा मन्त्रिपरिषदको कार्यालय, सभामुख देवराज घिमिरे, संघीय संसद सचिवालय र राष्ट्रपति कार्यालयको नाममा कारण देखाऊ आदेश जारी भएको छ। अर्थात यस विषयमा के-कसो भएको हो कारण देखाउन आदेश जारी गरेको छ।‘यस मुद्दामा के कसो भएको हो भनेर…

नेकपा एमाले सुदूरपश्चिम प्रदेश संसदीय दलको बैठकले मन्त्री पाल लाई जोडेर अफवाह फैलाउने लाई कार्वाहीको माग गरेको छ धनगढी।नेकपा एमाले सुदूरपश्चिम प्रदेश संसदीय दलको बैठकले आफ्ना सांसदमाथि भएको सामाजिक तथा व्यक्तिगत चरित्र हत्या गर्ने आरोपप्रति गम्भीर ध्यानाकर्षण जनाउँदै दोषीमाथि कानुनी कारबाही गर्न सरकारसँग माग गरेको छ। बैठकले बैतडी जिल्ला क्षेत्र ‘क’ बाट निर्वाचित प्रदेशसभा सदस्य तथा सुदूरपश्चिम प्रदेश सरकारका मन्त्री सुरेन्द्र बहादुर पाल माथि लगाइएका आरोपहरू निराधार, असत्य र षड्यन्त्रपूर्ण भएको ठहर गर्दै यस्ता गतिविधिले जनप्रतिनिधिको मर्यादा धुमिल गर्न खोजिएको निष्कर्ष निकालेको छ। निर्णय नं. ४ मा उल्लेख भएअनुसार, बैठकले यस्तो कार्यमा संलग्न व्यक्तिहरूलाई छानबिन गरी कानुनी दायरामा ल्याउन सम्बन्धित…

६ भदौ, काठमाडौं । चालु आर्थिक वर्ष २०८२/८३ को पहिलो महिना (साउन) मै २४ अर्ब १० करोड रुपैयाँ बराबर प्रत्यक्ष वैदेशिक लगानी (एफडीआई) स्वीकृत भएको छ । उद्योग विभागका अनुसार साउनमा अटोमेटिक रुटबाट ८१ र अप्रुभल रुटबाट ४६ उद्योग दर्ता भएको देखिएको छ । यसमध्ये अटोमेटिक रुटबाट आउने लगानी प्रतिबद्धता साना उद्योगमा केन्द्रित छ । ८१ उद्योग दर्ता भएकोमा लगानी प्रतिबद्धता मात्र ७३ करोड ३० लाख रुपैयाँको मात्र आएको छ । अप्रुभल रुटबाट ४६ उद्योग दर्ता भएकोमा २३ अर्ब ३७ करोड रुपैयाँ लगानी प्रतिबद्धता आएको छ । उद्योग विभागका अनुसार साउनमा मात्र १ सय २७ उद्योग दर्ता भएका छन् । यससँगै…

मृगकुञ्ज मध्यवर्ती उपभोक्ता समितिअन्तर्गतको समुदायमा आधारित चोरी सिकारी युवा जागरण अभियान (सिबिएपियू) को समितिमा ११ जना संलग्न छन्। थप २० जना युवाहरू सिबिएपियू च्याम्पियनको रूपमा उनीहरूको अभियानमा सक्रिय छन्। चितवन राष्ट्रिय निकुञ्जसँग जोडिएको सौराहा आसपासदेखि वरण्डाभार करिडोरसम्मको मध्यवर्ती क्षेत्र मृगकुञ्जको कार्यक्षेत्र हो। सिबिएपियूमा संलग्न युवाहरूको काम आफ्नो कार्यक्षेत्रभित्र हुने वन्यजन्तुको चोरी सिकारी नियन्त्रणमा सघाउने, जैविक विविधता संरक्षणका लागि समुदायलाई जागरूक बनाउने हो। हाल वसन्त राना अध्यक्ष रहेको सिबिएपियूले भएका स्रोत, साधन र जनशक्तिको भरपुर उपयोग गर्दै संरक्षणका लागि स्वयंसेवा गरिरहेको छ। अभियानमा जोडिएका युवाहरू कहिले जंगल र आसपासका क्षेत्रमा प्लास्टिकजन्य फोहोर टिप्दै गरेका भेटिन्छन्, कहिले समस्याग्रस्त वन्यजन्तुको उद्धार गरिरहेका देखिन्छन्। माछा मार्नका लागि…

काठमाडौँ: लामो बहस र संशोधनपछि संसद्को शिक्षा, स्वास्थ्य तथा सूचना–प्रविधि समितिले विद्यालय शिक्षा विधेयक पारित गरेको छ। विधेयकले अब गुठी मात्र नभई निजी लगानीमै पनि विद्यालय स्थापना र सञ्चालन गर्न सकिने बाटो खोलेको छ। यी हुन् विधेयकका मुख्य व्यवस्था विज्ञापन विधेयकमा निजी लगानी र गुठी दुवैमा विद्यालय सञ्चालनको अनुमति दिने प्रावधान राखिएको छ। यस्तै शिक्षणको भाषा नेपाली, अङ्ग्रेजी, संस्कृत वा मातृभाषा हुने व्यवस्था राखिएको छ। पारित विधेयकमा कक्षा ८ मा स्थानीय तह, कक्षा १० मा प्रदेश र १२ मा राष्ट्रिय परीक्षा लिने प्रावधान समेटिएको छ। विधेयकमा प्रधानाध्यापक ५ वर्षे कार्यकालसहित प्रतिस्पर्धाबाट चयन गर्नुपर्ने व्यवस्था समेत राखिएको छ। शिक्षा विधेयकमा बाल शिक्षा…