Day: September 11, 2025

२६ भदौ, काठमाडौं । नेपाली कांग्रेस, नेकपा एमालेसहितका राजनीतिक दलहरूले प्रतिनिधिसभाबाटै समाधान खोज्न नेपाली सेनालाई सुझाव दिएका छन् । केही युवा नेताहरूले प्रधानसेनापति अशोकराज सिग्देलसमक्ष अहिलेको गणतान्त्रिक व्यवस्थालाई कायम राख्दै संसद्‌बाटै निकास निकाल्नुपर्ने सन्देश दिएका हुन् । ‘जंगीअड्डाबाट जेजनी प्रतिनिधिसँग मात्र अहिले संवाद भइरहेको छ, तर त्योभन्दा ठूलो र संगठित शक्ति अझै बाहिरै छौं,’ एक नेताले अनलाइनखबरसँग भने, ‘यस्तोमा परम्परागत शक्तिलाई बाइपास गरेर हुने कुनै पनि निर्णयले स्थायित्व दिँदैन ।’ त्यही सन्देश नेपाली सेनाको जंगीअड्डालाई दिइएको स्रोतले बताएको छ । स्रोतका अनुसार, ती नेताहरूले अहिलेको व्यवस्थालाई जोगाएर जेनजीको माग पूरा गर्ने सन्दर्भमा आफूहरू जे गर्न पनि तयार रहेको बताएका छन्…

पूर्वप्रधानन्यायाधीश सुशीला कार्की नेतृत्वमा नयाँ मन्त्रिमण्डल बनाउने विषय सार्वजिनक भइरहेका बेला जेन-जी आन्दोलनमा सक्रिय हामी नेपाल समूहले पत्रकार सम्मेलन नै गरेर आफ्ना कूराहरू सार्वजनिक गरेको छ । समूहका अध्यक्ष सुदन गुरुङले आफूहरूले पूर्वप्रधानन्यायाधीश सुशीला कार्कीको नेतृत्व मान्न तयार भएको र त्यसमा धेरैको सहमति जुटिसकेको बताए । उनले पत्रकार सम्मेलनमा संसद् विघटन पनि आफूहरूको मुख्य माग रहेको बताउँदै त्यसपछि मात्रै अरु कामहरू अघि बढने बताए । उनले आफूहरूअनुकूल हुने मन्त्रिमण्डल निर्माण गरेर जेन-जी पुस्ताले त्यसको निगरानी गर्ने पनि बताए । मन्त्रिमण्डल निर्माण र यसका अन्य प्रक्रियाका विषयमा भने आफूहरू छलफलमा जुटिरहेको उनले बताए । यसअघि नेपाली सेनाका प्रधानसेनापतिसहितको छलफलमा पनि हामी…

दुई दिन चलेको जेनजी आन्दोलनमा मृत्यु हुनेको संख्या ३३ पुगेको छ।  धनगढी।दुई दिन चलेको जेनजी आन्दोलनमा मृत्यु हुनेको संख्या ३३ पुगेको छ।प्रदर्शनको पहिलो दिन सोमबार १९ जनाको मृत्यु भएको थियो भने मंगलबार यो संख्या ३० पुगेको थियो। बुधबार पोखरा र ललितपुरमा जलेर मृत भेटिएका तीन शव थपिएका छन्।पोखराको लेकसाइडस्थित एक रिसोर्ट र नयाँबजारको एक सोरुममा दुई, र ललितपुर ढोलाहिटीमा गंगा दाहालको घरभित्र एक। स्वास्थ्य मन्त्रालयका अनुसार देशभरका अस्पतालमा १,०६१ जना घाइते भर्ना भएका छन्, जसमा ७१९ जना डिस्चार्ज भइसकेका छन्।धनगढी खबर बाट साभार