धनगढी न्यूज

नेपाली कांग्रेस नियमित १५ औं महाधिवेशनकेन्द्रित हुन लागेको छ। महाधिवेशन कार्यतालिकाबारे छलफल गर्न आज केन्द्रीय कार्यसमिति बैठक पनि बस्दैछ। दिउँसो १ बजे केन्द्रीय कार्यालय सानेपामा बस्ने केन्द्रीय समिति बैठकमा १५ औं महाधिवेशन कार्यतालिकाबारे छलफल हुने प्रवक्ता देवराज चालिसेले जानकारी दिए। बैठकका लागि कांग्रेसले पदाधिकारी, सदस्य तथा प्रदेश सभापतिहरूलाई बोलाएको छ। केन्द्रीय समिति बैठकमा कोशी, मधेस, बागमती, गण्डकी, लुम्बिनी प्रदेश सभापतिहरू सहभागी हुने गरेका छन्। यसअघि गत आइतबार केन्द्रीय समिति बैठक सकिएको थियो। उक्त केन्द्रीय समितिले सभापतिबाट गगन थापाले दिएको राजीनामा अस्वीकृत गर्ने निर्णय गरेको थियो भने चुनावी पराजयको प्रारम्भीक समीक्षा गरेको थियो। आज सभापति थापाकै अध्यक्षतामा केन्द्रीय समिति बैठक बस्नेछ।…

काठमाडौं । मध्यपूर्वमा जारी तनावका कारण अन्तर्राष्ट्रिय हवाई उडान प्रभावित हुँदा पर्यटकीय राजधानी पोखरामा पर्यटक आगमन घटेको छ । खासगरी युरोप र अमेरिकाबाट आउने पर्यटकको मुख्य ट्रान्जिट दुबई, कतार र साउदी अरेबिया युद्धबाट प्रभावित हुँदा पर्यटक आगमन प्रभावित भएको हो । पोखरा आउने पर्यटकहरुले धमाधम होटल, ट्राभल र टे«किङ बुकिङ रद्ध गरिरहेको पोखरा भ्रमण वर्षका संयोजक गोपी भट्टराईले जानकारी दिए । मध्यपूर्वको तनावका कारण युरोप र अमेरिकाबाट आउने पर्यटकहरु आउन नसकेको बताउँदै उनले भने, ‘मध्यपूर्वमा बढेको तनावले नेपालको पर्यटन क्षेत्र समेत प्रभावित भएको छ ।’ नेपाल आउने प्रायजसो पर्यटकले कतार, दुवई लगायतका क्षेत्र नै ट्रान्जिट बनाएर आउने भएको कारण अहिले…

नेपाली राजनीति अर्को एउटा ऐतिहासिक परिघटनाको सँघारमा छ। ३५ वर्षकै उमेरमा राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) मुलुकको प्रधानमन्त्री बन्दैछन्। गत २१ फागुनमा सम्पन्न प्रतिनिधिसभा सदस्य निर्वाचनमा रास्वपाले झन्डै दुईतिहाइ बहुमत प्राप्त गरेपछि बालेनको सत्तारोहण तय भएको हो। निर्वाचनमा होमिनुअघि काठमाडौं महानगरपालिकाका मेयर रहेका बालेन र रास्वपा बीच सातबुँदे सहमति भएको थियो। सोही सहमतिमा बालेनलाई आगामी प्रधानमन्त्रीको उम्मेदवारका रूपमा अघि सारिएको थियो। यसरी अघि बढेको रास्वपाले आश्चर्यजनक नतिजा ल्याउँदै आगामी पाँच वर्षका लागि जनताबाट सरकार सञ्चालनको म्यान्डेट प्राप्त गरेको छ। रास्वपाका झन्डै दुईतिहाइ प्रतिनिधि निर्वाचित हुनुलाई नेपालको राजनीतिक प्राथमिकतामा आएको परिवर्तन मात्र मान्न सकिंदैन। रास्वपाको यो…

काठमाडौँ : नेपालमा अझै पनि दैनिक ४३ जना नेपालीको मृत्यु क्षयरोग (टीबी) का कारण मृत्यु हुने गरेको पाइएको छ। समयमा नै पत्ता लागेर चिकित्सकको निगरानीमा बसेर औषधी सेवन गरे पूर्णरूपमा निको हुने रोगबाट वार्षिकरूपमा यो संख्यामा मृत्यु हुनु जनस्वास्थ्यको एउटा चुनौती बनेको छ। विश्व क्षयरोग दिवसको पूर्वसन्ध्यामा राष्ट्रिय क्षयरोग नियन्त्रण केन्द्रले दिएको विवरण अनुसार हाल नेपालमा दैनिक ४३ जना नेपालीले क्षयरोगकै कारण जीवन गुमाउछन् भने वार्षिक १६ हजार  नेपालीको क्षयरोगकै कारण मृत्यु हुन्छ। युवा उमेर समूहका नेपाली जोखिममा सम्मेलनमा केन्द्रका निर्देशक भुवन पौडेलका अनुसार क्षयरोग देखिनेमा सबैभन्दा धेरै १५ देखि ४९ वर्ष उमेर समूहका युवा छन्। केन्द्रका निर्देशक पौडेलले भने, ‘वार्षिक रूपमा भेटिने…

प्रधानमन्त्रीको शपथ ग्रहणको दिन नजिकिँदै जाँदा राष्ट्रिय स्वतन्त्र पार्टी (रास्वपा) नेताहरू सम्भावित मन्त्रीहरूबारे छलफल चलाउन थालेका छन्। पार्टी सभापति रवि लामिछाने र वरिष्ठ नेता बालेन शाहबीच मन्त्री छनोटका विषयमा अनौपचारिक कुराकानी भइरहेको एक नेताले बताए। संसद सचिवालयले आगामी बिहीबार (चैत १२ गते) नवनिर्वाचित सांसदहरूको शपथ ग्रहण गराउने तयारी गरेको छ। ज्येष्ठ सदस्य अर्जुननरसिंह केशीले बुधबार पद तथा गोपनीयतको शपथ लिनेछन्। ज्येष्ठ सदस्य केसीले नै सांसदहरूको शपथ गराउनेछन्। सांसदहरूको शपथ ग्रहणलगत्तै राष्ट्रिय स्वतन्त्र पार्टीले दलको बैठक राखेर बालेन शाहलाई नेता चयन गर्ने छ। ‘सांसदहरूको शपथ ग्रहणलगत्तै दलको बैठक बसेर नेता चयन गर्ने कि चैत १३ गते दल बोलाउने भन्ने छलफल भइरहेको…

राजनीतिक नेतृत्वमा तीन गुण— ज्ञान, इमानदारी र चातुर्य अपरिहार्य हुन्छन्। यी गुणहरूको अभावमा सबल र सक्षम नेतृत्व अगाडि आउन सक्दैन। त्यसैले यी तीनै गुणले सम्पन्न नेतृत्व विरलै पाइन्छ। माओ जे दुङ्ले चिनियाँ किंवदन्तीका पात्र ‘छुके ल्याङ’ जस्ता व्यक्तित्व व्यवहारतः पाउन कठिन हुने बताएका छन्। यही कारणले कम्युनिष्टहरू सामूहिक नेतृत्व प्रणालीमा विश्वास गर्छन्। राजनीतिमा पद र नेतृत्व एउटै कुरा होइनन्। पद भनेको संस्थागत संरचनाभित्रको औपचारिक जिम्मेवारी हो, तर नेतृत्व भनेको समाज र इतिहासको आवश्यकतासँग जोडिएको वास्तविक भूमिका हो। त्यसैले पदमा बसेको मानिस स्वतः नेता हुँदैन, र पदमा नभएको मानिस नेता हुन सक्दैन भन्ने पनि होइन। अन्ततः नेतृत्व विचार, साहस, पहल र…

फागुन २१ गते भएको प्रतिनिधिसभा सदस्य निर्वाचनमा प्रत्यक्षतर्फ कैलालीका ५ वटै निर्वाचन क्षेत्रमा राष्ट्रिय स्वतन्त्र पार्टी (रास्वपा)ले ‘क्लिन स्वीप’ गर्‍यो। कैलाली-१ बाट ४७ वर्षीया कोमल ज्ञवालीले १७ हजार ८२६ मत प्राप्त गरी चुनाव जितिन्। कुल १८ प्रतिस्पर्धीमध्ये १५ पुरुष र थप दुई महिला उम्मेदवारलाई पछार्दै ज्ञवाली निर्वाचित भएकी हुन्। रास्वपाले सुदूरपश्चिममै एक जना महिला अर्थात् ज्ञवालीलाई मात्रै प्रत्यक्षतर्फको टिकट दिएको थियो। ज्ञवालीले त्यो अवसर खेर जान दिइनन्। यहाँ दोस्रो स्थानमा नेपाली कांग्रेसका जनकराज चौधरीले १२ हजार ८६७, तेस्रो स्थानमा नेपाली कम्युनिस्ट पार्टीका रामलाल डगौरा थारुले ८,३९२, चौथो स्थान हासिल गरेका नेकपा (एमाले) का द्वारिकाप्रसाद न्यौंपानेले ४,४९५ मत प्राप्त गरेका थिए।…

८ चैत, पाल्पा । पाल्पाको तिनाउ खोलामा डुबेर दुई भारतीय पर्यटक बेपत्ता भएका छन् । तिनाउ गाउँपालिका-३, दोभान ड्यामसाइडस्थित जलविद्युत आयोजनाको हेडबक्सनजिक उनीहरू डुबेको प्रहरीले जनाएको छ । प्रहरीका अनुसार ५ जनाको समूहमा रहेका उनीहरूमध्ये २ जना पुरुष बेपत्ता भएका हुन् । जिल्ला प्रहरी कार्यालय पाल्पाका सूचना अधिकारी होमप्रकाश चौधरीका अनुसार उनीहरू डुबेर बेपत्ता भएको थाहा पाएपछि स्थानीय, सशस्त्र प्रहरी र दोभान प्रहरी चौकीको टोली खोजी कार्यमा जुटेको छ । बेपत्ता हुनेहरूको नाम र ठेगाना खुल्न बाँकी छ ।अन्लाईन खबर बाट साभार

काठमाडौँ : पछिल्लो संविधान जारी भएको एक दशकपछि देशमा पहिलोपटक धारा ७६ (१) अन्तर्गत एकल बहुमतको सरकार बन्दै छ। ऐतिहासिक जेनजी आन्दोलनको जगमा भएको प्रतिनिधिसभा निर्वाचनमा दुई तिहाइ नजिकको बहुमत प्राप्त गरेको राष्ट्रिय स्वतन्त्र पार्टी (रास्वपा)ले अब सत्ताको बागडोर सम्हाल्नेछ। रास्वपाका वरिष्ठ नेता बालेन्द्र साह (बालेन) प्रधानमन्त्री बन्ने निश्चितप्रायः छ। उक्त दलका शीर्ष नेताहरूको पछिल्लो छलफलअनुसार उनले १३ चैतमा प्रधानमन्त्रीको शपथ लिने तयारी अघि बढेको छ। बालेन नेतृत्वमा बन्न लागेको ‘शक्तिशाली सरकार’सँग जनअपेक्षा अत्यन्तै उच्च छ। पुराना र स्थापित भनिएका दलहरूले पालैपालो अवसर पाउँदा पनि अपेक्षित परिणाम दिन नसकेपछि यसपटक रास्वपालाई अभूतपूर्व मत दिएका मतदाताले उच्च अपेक्षा राख्नु अस्वाभाविक पनि होइन। रास्वपाका…